Video
Read full review
2023-08-03
267 views
🇭🇰✨土瓜灣潮汕特色車仔麵店第一次係車仔麵店食到潮汕小食，例如汕尾小米粿、馬鮫豬肉丸、牛筋丸、魷魚丸，都幾特別，而且真係好食！舖頭乾淨、姐姐有禮貌、座位唔算狹窄，已經成為我嘅土瓜灣食堂！😚① 滋味無窮紫菜四寶 $39🔹即潮汕手工小米粿、汕尾馬鮫豬肉丸、特級瀨尿牛筋丸、有魷魚嘅魷魚丸各兩粒🔹最正係佢哋嘅湯底！🤤湯底以豬骨湯及雞湯熬成，雞湯濃郁，軟骨組織釋出滿滿膠質。🔹第一次係車仔麵店食到潮汕小米粿，外皮以蕃薯粉搓成，煙韌彈牙，餡料以五花腩及大地魚打成，都幾香😋🔹其他丸都夠爽彈，粉感少；「有魷魚的魷魚丸」有驚喜，味道清淡帶魷魚香，咬開一半，真係見到好多粒切成細粒嘅魷魚👍🏻② 咖喱三寶 $36🔹咖喱汁唔係溝粉製出嚟，有細個推車仔個種咖喱味！😍唔會死辣死鹹，魷魚、牛柏葉都好新鮮，魚蛋來貨好，口感有啲似魚腐，因為魚肉多過麵粉👍🏻③ 香辣單骨雞翼 $26🔹雞翼係即叫即炸，姐姐話係師傅嘅堅持🫡所以落單嘅時候都有講明炸嘢要等等；雞翼唔算辣，皮脆肉唔柴④ 生炸手工韭菜餃 $26🔹餃子係姐姐每日現包，好香韭菜味🤤⑤ 車仔麵🔹嗌咗豬大腸 ($12)、生炸豬扒 ($15)、酸齋 ($9)，最鍾意豬大腸，乾淨
✨土瓜灣潮汕特色車仔麵店
第一次係車仔麵店食到潮汕小食，例如汕尾小米粿、馬鮫豬肉丸、牛筋丸、魷魚丸，都幾特別，而且真係好食！舖頭乾淨、姐姐有禮貌、座位唔算狹窄，已經成為我嘅土瓜灣食堂！😚
① 滋味無窮紫菜四寶 $39
🔹即潮汕手工小米粿、汕尾馬鮫豬肉丸、特級瀨尿牛筋丸、有魷魚嘅魷魚丸各兩粒
🔹最正係佢哋嘅湯底！🤤湯底以豬骨湯及雞湯熬成，雞湯濃郁，軟骨組織釋出滿滿膠質。
🔹第一次係車仔麵店食到潮汕小米粿，外皮以蕃薯粉搓成，煙韌彈牙，餡料以五花腩及大地魚打成，都幾香😋
🔹其他丸都夠爽彈，粉感少；「有魷魚的魷魚丸」有驚喜，味道清淡帶魷魚香，咬開一半，真係見到好多粒切成細粒嘅魷魚👍🏻
有魷魚的魷魚丸
11 views
0 likes
0 comments
② 咖喱三寶 $36
🔹咖喱汁唔係溝粉製出嚟，有細個推車仔個種咖喱味！😍唔會死辣死鹹，魷魚、牛柏葉都好新鮮，魚蛋來貨好，口感有啲似魚腐，因為魚肉多過麵粉👍🏻
咖喱三寶
$36
7 views
0 likes
0 comments
③ 香辣單骨雞翼 $26
🔹雞翼係即叫即炸，姐姐話係師傅嘅堅持🫡所以落單嘅時候都有講明炸嘢要等等；雞翼唔算辣，皮脆肉唔柴
④ 生炸手工韭菜餃 $26
🔹餃子係姐姐每日現包，好香韭菜味🤤
⑤ 車仔麵
🔹嗌咗豬大腸 ($12)、生炸豬扒 ($15)、酸齋 ($9)，最鍾意豬大腸，乾淨冇騷味又唔韌，但又保留到少少脂肪😋
📍 一喜車仔麵 (土瓜灣)
土瓜灣北帝街31號地下
Post
