薄餅怪獸

Open Now

Now Closed

食Pizza唔一定淨係得果兩三間，今日我哋就去咗土瓜灣嘅Pizza Monster喇。佢哋除咗Pizza，亦都有提供飯類、意粉同小食，同大集團差唔多之餘，價錢仲相宜好多添。素食主義6吋心型PizzaPizza有6吋、9吋同12吋三個size。因為得兩個人食，所以只叫咗6吋。而只當中只有6吋可以揀心型批底。我哋點咗素食主義，一個蕃茄醬底嘅純素Pizza。餡料有青椒、蘑菇、粟米、菠蘿同埋蕃茄、當然仲有芝士啦。心型批底果然好靚、打卡一流。Pizza夠熱，可以做到拉絲，而批底係厚批，我個人認為整體味道同某大集團無分別，一樣咁好味。Allday breakfast除咗Pizza，我哋仲點咗個Allday breakfast。同出而食開嘅分別，係佢哋無茄汁豆，同埋係一隻煎蛋。不過Allday breakfast其實都無話無邊款食材就唔得嘅，反正都係咁好味。