鳴虎 (北帝街) (Closed)

行經土瓜灣附近一帶，有啲想食拉麵，入咗一間拉麵小店，舖頭唔算大，感覺溫馨，以木裝修為主，很有日式小店風格。拉麵名稱好獨特，以「虎」同顏色來命名，例如係黑虎，赤虎、綠虎，來代表唔同的湯底，好有心思。嗚虎即名海老拉麵，加入了北海道鮮蝦、櫻花蝦粉同味噌做湯底，感覺唔錯。有蝦的鮮味，又唔會太鹹。而麵質地煙韌，粗幼度適中。不得不提叉燒，燒得吾錯有燶邊，雖然只得兩塊，也算厚身，煮得好淋同入味，還有一隻大大的流心溫泉蛋，好滿足。綠虎四國香蔥油拉麵，顧名思義加咗大量香蔥，多咗一份蔥油香，鍾意重口味的朋友，就最啱不過了。嗚虎炸雞共三塊，有檸檬可以點綴，減去肥膩感，外脆內軟，新鮮炸起熱辣辣，值得推介。