十二味 (碧麗花園)

Open Now

Now Closed

今次又係酸菜魚呀，食過咁多間大大小小酸菜魚嘅我，可以話十二味嘅酸菜魚都係我食過頭十位好食嘅酸菜魚專門店，所以我經開唔同區域 如果附近有佢哋嘅分店我都會去試吓㗎，今次就嚟到土瓜灣嘅十二味食佢嘅酸菜魚，另外有點左我最愛嘅香炒尖椒雞，其實我真係一個好專一嘅人，只要食開嗰樣嘢覺得係好好食keep到水準，幾乎每次去都係食返相同嘅嘢，唔知有冇人同我一樣連食嘢都咁專一呢？今次試咗一杯之前從未飲過嘅特飲「熱情果梳打」佢嘅味道係香濃嘅熱情果味，加埋梳打凍凍地，如果食辣嘢飲佢甜甜地凍凍地中和下又解渴又透心涼！