天神食堂 (Closed)

土瓜灣有間隱世好好食嘅日式居酒屋🏮入邊仲有個超級大嘅蜘蛛俠模型！仲有養左烏龜、魚魚喺魚缸游水，好得意！🔸章魚小丸子章魚小丸子大大粒，入邊熱辣辣，一咬落去出晒煙，中間有章魚粒🐙好煙靭🔸天神玉子燒我小朋友勁鍾意食，天神玉子燒同出邊嘅玉子燒唔同，佢中心係特別軟滑，又有一啲微甜，大人細路都鍾意！🔸南瓜蕃薯天婦羅南瓜同番薯都好新鮮，咬落去好鬆脆！老闆特別用咗柚子鹽去代替天婦羅汁，咁就唔會浸到天婦羅腍晒！保持佢嘅鬆脆！🔸左口魚群邊天婦羅平時食左口魚裙邊壽司都覺得特別好味，用咗嚟做天婦羅，魚油香入口即溶嘅感覺好特別！🔸龍躉粒粒天婦羅龍躉去做天婦羅，真係第一次食！估唔到咁夾喎 ！肥美嘅粒粒龍躉做天婦羅，中心嫩滑，非常鮮味！🔸薄脆雞皮脆卜卜嘅雞皮，一啲都唔油膩，好薄好香脆！🔸雞肉脆脆棒配月見汁雞肉脆脆棒配月見汁，仲喺日本生雞蛋，食落特別滋味！🔸燒白鱔這個燒白鱔，超級惹味，食完想再食！🔸封門柳封門柳見到咁鮮嫩嘅肉質就知道正啦燒得啱啱好唔會過熟，好有肉味，食落好腍！🔸厚切豬鞍滑蛋丼丼飯我第一次食咁厚切嘅豬扒！外面薄炸過好鬆脆，唔係厚厚嗰啲炸粉，豬鞍厚切到呢個厚度仍然能夠保持非常腍同有彈性彈，唔會韌，真係好正