御來光茶社 (Closed)

係土瓜灣行攰了想抖一抖，黎到啟岸地下全部都係食肆既街道，走入了御來光茶社坐坐休息一會。芒果芝士奶蓋，有香甜既芒果醬同果肉粒掛杯，芝士奶蓋有少少咸香，中間既奶好香滑。芋芋芝士奶蓋，鮮芋既香氣，有D芋頭粒感，又有三款小丸仔，口感好好，芋奶既系列都幾推薦! 試左期間限定既甜品開心果芝士蛋糕，好好味! 綿滑蛋糕有香噴噴既開心果醬，唔會好漏，餅底酥脆，最鍾意佢側面有好多開心果碎，多重口感，非常豐富。Tiramisu，個底既咖啡味幾入味，好creamy之餘有軟綿綿既蛋糕口感，上層舖滿可可粉，超級正。堂食有少少位置，咁就食下飲下就度過左好完美既tea time!