85度C (宏豐大廈)

Open Now

Now Closed

今日去左土瓜灣嘅宏豐大廈間85度C買早餐，麵包舖有超過幾十款唔同款式嘅麵包，基本款又有，特色款又有，今次試左大板燒同肉鬆腸仔條，大板燒係一個有沙律醬、木魚片、紫菜、火腿嘅麵包，麵包咬落去好軟熟，幾有日式風味；肉鬆腸仔條有沙律醬、茄汁、芝士、肉鬆同腸仔，咬落去幾有口感；另外加配咗杯榛子鮮奶咖啡，有好濃郁嘅咖啡豆香，口感順滑。麵包舖做緊優惠，逢星期三珍珠奶茶買一送一，逢星期五咖啡買一送一，而且每一日都會有一杯特選飲品減價，就算想飲唔係嗰日嘅特選減價飲品，買一個包加一杯飲品都可以有減$3優惠，住土瓜灣嘅朋友不妨嚟呢間麵包舖買你哋嘅早餐啦！📍土瓜灣浙江街29-33號宏豐大廈地下31E號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊