Video
Read full review
2023-07-16
1155 views
📌 Tanuki Coffee - 土瓜灣馬頭圍道63號啟岸地下18號地舖🗓(17/7) 星期日 ⏰ 下午1點左右 💈特式：今日開始打風及天氣不穩，加上一出門口就開始落雨，所以都唔想去太遠搵食，就係屋企附近搵食算，行過呢間由Error 193開嘅Tanuki Coffee，因為平時都幾多人，所以就一直無去試，今日經過見人唔多，就去試一試佢。🥩🍔🌭🌮🥗🥯🥘🍲🍝🍣🥟🍤🍱食物：網上有傳餐廳最近同另一香港著名飲食集團「隱町」合作，所以各方面質素都有所提升，我今日就特意每款唔同食物都試下，睇下係咪網上講到咁好，而家等我同大家講下🦝☕️味道先。🦀🥪軟殼蟹蟹籽三文治 $98 - 佢地標明個包係用上Bakehouse嘅出品，經輕微烘烤過之後，酥脆口感好突出，但麵包本身鬆軟感覺就仍然保留，餡料方面有成隻軟殼蟹，口感好香脆，食落仲食到少少好鮮味嘅蟹膏，而且一d都唔油，唔會令到個包好油膩。🦑🍝太子明太子忌廉墨魚汁意粉 $138 - 呢個意粉賣相好靚，帶子size都幾大同厚身，食到本身帶子嘅鮮甜味，亦好爽口，意粉都會食到好香墨魚味，軟硬程度都處理得唔錯，而且好掛到個明太子忌廉醬汁，一啖可以食到好多唔同嘅味道
🗓(17/7) 星期日 ⏰ 下午1點左右
💈特式：今日開始打風及天氣不穩，加上一出門口就開始落雨，所以都唔想去太遠搵食，就係屋企附近搵食算，行過呢間由Error 193開嘅Tanuki Coffee，因為平時都幾多人，所以就一直無去試，今日經過見人唔多，就去試一試佢。
🥩🍔🌭🌮🥗🥯🥘🍲🍝🍣🥟🍤🍱
食物：網上有傳餐廳最近同另一香港著名飲食集團「隱町」合作，所以各方面質素都有所提升，我今日就特意每款唔同食物都試下，睇下係咪網上講到咁好，而家等我同大家講下🦝☕️味道先。
軟殼蟹蟹籽三文治
$98
15 views
0 likes
0 comments
🦀🥪軟殼蟹蟹籽三文治 $98 - 佢地標明個包係用上Bakehouse嘅出品，經輕微烘烤過之後，酥脆口感好突出，但麵包本身鬆軟感覺就仍然保留，餡料方面有成隻軟殼蟹，口感好香脆，食落仲食到少少好鮮味嘅蟹膏，而且一d都唔油，唔會令到個包好油膩。
太子明太子忌廉墨魚汁意粉
$138
27 views
0 likes
0 comments
🦑🍝太子明太子忌廉墨魚汁意粉 $138 - 呢個意粉賣相好靚，帶子size都幾大同厚身，食到本身帶子嘅鮮甜味，亦好爽口，意粉都會食到好香墨魚味，軟硬程度都處理得唔錯，而且好掛到個明太子忌廉醬汁，一啖可以食到好多唔同嘅味道。
挪威BRUNOST芝士Croffie
$98
20 views
0 likes
0 comments
🇳🇴🧀🥐🧇挪威BRUNOST芝士Croffie $98 - 去Cafe又點可以唔叫甜品，叫左個近期甜品界嘅新寵兒Croffie(牛角窩夫)，一上枱就見到同聞到滿滿嘅BRUNOST芝士碎香味，呢款芝士係用牛奶同羊奶混合製作，所以味道會更香濃更軟綿，配埋餐廳自家製忌廉toping，及同樣係Bakehouse出品嘅主角Croffie，就連我唔係太喜好食甜品嘅人都讚口不絕。
☕️🍵🥤🧋🍺🍷🥃🍹🧉🍾🍶🥛
飲品 : 話晒都係一間Cafe，所以飲品選擇都真係十分豐富，有大約20款咖啡，仲有其他特別飲品。
挪威芝士鮮奶咖啡
$58
16 views
0 likes
0 comments
🇳🇴🧀🥛☕️挪威芝士鮮奶咖啡 $58 - 我就叫呢個咁特式嘅咖啡，貪出面真係未曾見過，BRUNOST芝士碎加焦糖調製過，一攪就會將味道溶化入咖啡內，令到個咖啡充滿輕微鹹香帶甘甜嘅口味，十分獨特，而本身個咖啡亦好香濃幼滑。
小山園宇治抹茶鮮奶
$48
9 views
0 likes
0 comments
🇯🇵🍵🥛小山園宇治抹茶鮮奶 $48 - 呢個係用京都老舖，宇治丸久小山園嘅超人氣抹茶製成，呢間抹茶老舖係京都好有名氣，係當地直頭有個展覽館去介紹佢地嘅抺茶，有興趣嘅朋友可以自行上網搵下。
呢款抺茶嘅特色係味道香濃，口感厚實，但入口綿滑，加埋鮮奶就更增加左香氣，餐廳更配埋拉花，進一步增加埋觀感效果。
🍽環境：餐廳佔地就唔算大，但座位設計得都好鬆動，比到人有私人空間感，而且仲設有少量outdoor座位，方便有攜帶寵物嘅朋友，室內佈置就更盡顯心思，好多細節位，無論只係想簡單hea下又或者打卡都一流。
🤵🏻🤵🏻♀️🤵🏻♂️服務：職員好有禮貌，而且面帶笑容，同埋我最滿意係佢地做到Cafe最應有嘅服務之一，就係上餐後盡量唔會打擾顧客，因為去親Cafe嘅顧客一係就想傾下計，一係就想hea下chill下，唔會想被騷擾，呢層佢地就做得唔錯。
💰💸價錢：我地叫左兩個main course，一個Croffie甜品，兩個特式飲品，埋單都只係$400多d，以Cafe嚟講，都算係咁上下價錢，但佢地餐飲質素比普遍樓上Cafe好得多，再加上服務都比較好，所以價錢方面都算係唔錯。
🐲💬總結：呢間餐廳都開左一段時間，我亦都行經過無數次，今次雖然係我第一次嚟試，但我肯定唔會係最後一次。
推薦指數：❤️❤️❤️❤️🤍
Post
