朱敏記桑拿菜 (Closed)

最鍾意嚟呢度食中菜今日黎到朱敏記食飯，食既都係中菜，有唔少中國特色菜，環境係大排檔風格，但都坐得幾舒服😌食既幾個菜入面最難忘就係沙姜吊桶！吊桶係細既魷魚仔，新鮮既吊桶真係可遇不可求呀！呢度既吊桶就食得出絕對新鮮！吊桶大細適中，鮮味濃郁，肉質嫩滑，爽嫩既口感，而且非常肥美，有膏添，就咁已經充滿海鮮既咸香味😍最特別係吊桶用沙姜去煮，放係木桶入面，用鐵盤裝住去蒸，吊桶吸收晒沙姜既辣味香味，加上吊桶本身既咸鮮味，味道相當有層次，底層亦鋪有芽菜，一定要食！芽菜吸收晒吊桶既汁香仲有沙姜既咸香，極為美味🤩食住咁惹味既吊桶再飲罐汽水，一流享受呀！