Turkeyano

Open Now

Now Closed

前幾日同朋友喺佐敦打完波，行去搭巴士途中，見到呢間專土耳其外賣小店咁多人喺門口等外賣，聞到陣陣烤肉香味，我都忍唔到要買個外賣番屋企食。土耳其佬盒-炸脆雞粒配薯條盒$78炸脆雞粒同薯條係即叫即炸，薯條係用我至愛既粗身薯條，入口夠晒脆卜卜，唔算好油膩，份量亦好多吖，夠晒飽！外賣仲跟埋幾款唔同既醬汁。烤羊肉卷 $88好耐無食羊肉，今次就試下烤羊肉卷，羊肉烤火喉燒得岩岩，一啖咬落去陣陣羊油脂香味湧晒出嚟，肉質唔會好韌，裏面仲有新鮮嘅生菜、洋蔥條同蕃茄，配埋薄荷醬、洋蔥醬、土耳其辣醬，增加口味層次，又可以解膩，餅皮仲喺熱熱地軟軟地，令人咬一啖就停唔停口要再咬第二啖。