熱沙咖啡 (Moved) New Location

今日去咗馬灣一日遊，陽光與海灘，竟然有一間土耳其隱世咖啡店喺馬灣度。咖啡店除咗有嘢食同咖啡飲之外，其實都仲有唔同工作坊俾人去參加，真係又有得玩又有得食。特色園池素雞飯 $98呢個主打均衡素食嘅飯，上面已經包含咗一日所需嘅五色素菜，營養非常豐富。最特別嘅係中間由餐廳自己整嘅鷹嘴豆泥同紅蘿蔔沙律醬，撈埋啲素雞同飯一齊食，非常好味。秘製雞肉烤餅 $178烤餅嘅份量十足，塊餅仲大過我成塊面，材料亦都非常之豐富。旁邊嘅配菜非常好味，調味啱啱好，酸酸甜甜，配埋烤餅一齊食，又幾好味喎。烤雞整得好好味，非常滑身。土耳其熱沙咖啡 $80餐廳仲有得俾你可以自己整熱沙咖啡，搞到自己真係好似去咗土耳其。着埋土耳其嘅服裝，用熱沙嘅方法去沖住一杯咖啡，特別有一番風味。老闆娘非常熱情好客，令我都好想下次再黎。