Video
Read full review
2023-02-04
290 views
得閒又過嚟Discovery Bay行個大運發現咗酒店附近有間咁抵食嘅土耳其菜CHICKEN SHISH烤雞肉串唔係好知啲菜式嘅真正中文名呢味係烤雞肉串配薯條仲有洋蔥、蕃茄、黃椒、青瓜碎混合而成嘅沙律🥗沙律個汁帶有微微香草味我勁鍾意❤️仲有半隻尖椒 係真係辣㗎唔係得個樣薯條炸到好乾身唔會油淋淋🍟雞肉串好香口 佢嘅份量係平時我響街食串燒嘅1.5倍勁有飽足感BEEF SHISH烤牛肉串呢個我就簡咗配飯佢啲飯好得意嘅係好似撈咗啲麵落去再落咗少少鹽去煲食落係咸咸地嘅 鍾意食有味飯嘅我表示開胃初初仲驚啲牛肉咁熟會好靭點知又冇喎 食落仲好嫩口又有牛味添BURAQ SPECIAL SALAD個感覺有少少似greek salad🥗 Chef好有心機咁整咗個心心青瓜出嚟❣️上面係芝士、紫洋蔥、車厘茄下層就有我最愛嘅rocket同羅馬生菜愈食愈開胃Mango Ayran 應該其實係芒果酸奶飲落酸酸甜甜重芒果味TURKISH TEA原來好易入口唔會勁重香料味可以簡落唔落糖RICE PUDDING呢個係Chef極力推介本身食咗三碟嘢已經爆肚但Chef出嚟話must eat點知真係又幾好食佢用咗個can嚟freez
得閒又過嚟Discovery Bay行個大運
發現咗酒店附近有間咁抵食嘅土耳其菜
CHICKEN SHISH烤雞肉串
唔係好知啲菜式嘅真正中文名
呢味係烤雞肉串配薯條
仲有洋蔥、蕃茄、黃椒、青瓜碎混合而成嘅沙律🥗
沙律個汁帶有微微香草味
我勁鍾意❤️
仲有半隻尖椒 係真係辣㗎
唔係得個樣
薯條炸到好乾身唔會油淋淋🍟
雞肉串好香口 佢嘅份量係平時我響街食串燒嘅1.5倍
勁有飽足感
BEEF SHISH烤牛肉串
呢個我就簡咗配飯
佢啲飯好得意嘅係好似撈咗啲麵落去
再落咗少少鹽去煲
食落係咸咸地嘅 鍾意食有味飯嘅我表示開胃
初初仲驚啲牛肉咁熟會好靭
點知又冇喎 食落仲好嫩口又有牛味添
BURAQ SPECIAL SALAD
個感覺有少少似greek salad🥗
Chef好有心機咁整咗個心心青瓜出嚟❣️
上面係芝士、紫洋蔥、車厘茄
下層就有我最愛嘅rocket同羅馬生菜
愈食愈開胃
Mango Ayran
應該其實係芒果酸奶
飲落酸酸甜甜重芒果味
TURKISH TEA
原來好易入口唔會勁重香料味
可以簡落唔落糖
RICE PUDDING
呢個係Chef極力推介
本身食咗三碟嘢已經爆肚
但Chef出嚟話must eat
點知真係又幾好食
佢用咗個can嚟freeze響雪櫃
要食先開蓋好衛生
一食落去係有綿滑嘅牛奶同雲呢拿香味
話rice pudding當然主角係飯
初初expect係煙煙韌韌
原來又唔係 係煮到淋咗嘅飯粒
抵讚嘅係佢唔會好甜
Post
