土耳其小城 (萬昌樓) (Closed)

好日都唔入去元朗，今次晏晝時間去到，就揀咗呢一間土耳其小城去食lunch，因為打完10號風，當然唔可以待薄自己，我地就帶咗個二人餐：分別有：1）印度烤餅🫓2）浮雲沙律🥗3）南印度馬薩拉雞4）雞肉洋蔥圈5）脆皮鮮奶卷7）熱咖啡8）印度奶茶首先上黎嘅浮雲沙律打開呢一餐嘅大門，之後就有兩款小食分別係雞肉洋蔥圈同脆皮鮮奶卷，去過呢啲中東地方都知道佢地當地人係好鐘意食呢啲香口嘢，我地當然都要試下啦，so far兩樣都炸得好脆身，而且份量好多。印度烤餅配上馬薩拉雞嘅醬汁真係特別開胃，但其實我同另一半都已經好飽🥹最後另一半就當然嗌佢每日最愛嘅咖啡（而唔係我🥹），我就嗌咗杯凍嘅印度奶茶消消暑，而呢杯奶茶抵讚個位係唔甜，好清爽。雖然睇返呢一間土耳其小城有兩間分店，但其實都係主打做返街坊生意，而佢地嘅侍應亦都係啲外籍人士，餐廳嘅裝修亦都包留住中東嘅氣息，我地食緊飯嘅時候，一直都有好多客人黎食，所以如果黎食嘅話，就記住早少少黎攞位食啦。😋