22 Ships (Moved) New Location

上次同朋友試過呢間西班牙菜，一開始見到價錢有啲進取，但都對得住價錢。首先講吓前菜Uni & Rusa Toast，係海膽配薯仔沙律多士，海膽超級鮮甜零腥味，同朋友一樣食第一啖已經驚嘆薯仔沙律竟然令海膽甜味更出眾😝⠀其次到主菜啦，Carabineo Paella(大紅蝦risotto)，價錢相比起其他餐廳係貴啲，但大蝦嘅size，新鮮程度，同生熟程度都恰到好處，蝦頭膏亦帶點點鹹香絕對唔腥，十分欣賞呢道主菜。⠀第三道菜嗌咗朋友食過覺得好食嘅Roasted Suckling Pig(烤豬)，呢款烤豬好似中式乳豬，配嘅醬都係甜鹹為主軸，皮薄而肉質實在帶有豬肉香味，配上沙律冇咁肥膩。⠀本來想嗌埋甜品，不過兩個人三款嘢食已經足夠，留返下次先嗌布丁☺️。