Video
Read full review
2017-03-17
1046 views
今日想打邊爐, 之前聽朋友介紹有間食川菜既餐廳有得打邊爐, 仲好好食TIM, 於是我地就去位於君怡酒店裹面搵呢間餐廳, 內裹非常寬躺, 張張枱都夠哂大, 仲坐得好舒服TIM, 好正, 要有舒適既環境先會食得開心GA MA, 仲要D服務係勁好, 講堅, 0個個姐姐真係好有禮貌同笑容,哈哈. 呢到係任食既, $298/位(任食2小時), 都有好多湯底選, 火鍋配料都好多, 仲有飲品都係任飲, 但某D火鍋配料(靚D既牛同海鮮) & 啤酒 & 醬料就要另外收費, 都MARK得好清楚.其實黎到應該試下D川菜, 但我地今日唔想食辣野, 所以我地叫左個蕃茄薯仔牛肋鍋, 勁足料, 勁多牛肋肉 & 蕃茄, 滾起左之後我地都得不及待飲左幾啖湯先, 嘩.....真係正到不得了, 好香蕃茄同牛既香味, 仲有佢既牛肋肉勁正, 勁淋勁香牛味. 另外倒醬油既樽都好正架, 只要向下倒, 樽口就會自己開GA LA. 野飲有D都好特別架, 例如青檸梳打 & 柑橘蜜, 出面都好少有. 睇到點菜紙, 真係咩都好想食, 好彩係任食, 樣樣都可以試下, 哈哈..第一轉我地叫左入口即溶既安格斯雪花肥牛, 好香牛味既安格斯肥牛粒,
其實黎到應該試下D川菜, 但我地今日唔想食辣野, 所以我地叫左個蕃茄薯仔牛肋鍋, 勁足料, 勁多牛肋肉 & 蕃茄, 滾起左之後我地都得不及待飲左幾啖湯先, 嘩.....真係正到不得了, 好香蕃茄同牛既香味, 仲有佢既牛肋肉勁正, 勁淋勁香牛味. 另外倒醬油既樽都好正架, 只要向下倒, 樽口就會自己開GA LA. 野飲有D都好特別架, 例如青檸梳打 & 柑橘蜜, 出面都好少有.
睇到點菜紙, 真係咩都好想食, 好彩係任食, 樣樣都可以試下, 哈哈..第一轉我地叫左入口即溶既安格斯雪花肥牛, 好香牛味既安格斯肥牛粒, 麻辣牛肉, 自家制既彈牙手打墨魚丸, 香滑既花雕雞件, 新鮮既土魷魚, 香濃既芝心丸, 芋絲, 豆腐, 鮮冬菇, 冬瓜片, 新鮮既菜心 & 皇帝菜.
第二轉點左可以再 ENCORE 既入口即溶既安格斯雪花肥牛, 好香牛味既安格斯肥牛粒, 自家制既彈牙手打墨魚丸, 之後再試左牛筋, 豬紅, 手打香菜丸子, 打邊爐一定要叫既炸響鈴, 蕃茄, 鮮甜白菜仔 & 紅薯粉, 紅薯粉要煮耐D先夠淋, 所以最好早D落, 因為由於係限時, 個爐已經SET左時間會自己熄, 同埋要不停攪, 如果唔係好痴底. 一路食都有一路飲湯, 哈哈, 好好飲, 之後店員會加清湯, 唔係加水的, 讚!!
第三轉我地點蔬菜為主, 因為都開始飽飽啦, 但係牛肉粒真係好好味, 所以我地決定再ENCORE多次, 哈哈, 另外就再點了白菜仔, 冬瓜片, 蕃茄, 魚冬菇 & 娃娃菜.
下次一定要黎食下呢到D川菜, 因為呢到其實係出名川菜的.
Post
