To-Gather Cafe (Closed)

去café就係貪佢有得玩board game，又可以一邊慢慢食一邊吹水。所以有時放工都鐘意過黎hea下！約三五知己更為樂事餐廳值得一提既係座位夠闊絡，大大張梳化坐起上黎人都舒適啲，食野都開心啲。餐湯叫左忌廉湯，放左香草同脆口既麵包粒做點綴，賣相不錯，亦令口感更佳。主菜就嗌左卡邦尼煙肉扭扭粉，份量十足，最重要係汁夠晒濃，味道不錯。有埋三色椒點綴下，賣相亦都唔錯。另一個主菜嗌左白汁雞皇飯，同樣份量十足。同平時既有雞皇飯有小小唔同，係汁飯分開上，可以因應自己需要落少啲落多啲汁。至於小食就係蜜糖雞翼，薄薄一層香甜既蜜糖抹係外脆內嫩既雞翼上，真係冇得彈。推薦最後飲品就叫左ginger drink同巨峰提子乳酸。Love this, 女士飲多D就岩啦巨峰提子乳酸就相對差左少少，味道比較淡，下次有機會可以試下其他飲品。