夏捌月 (Closed)

有時真係唔想出到去咁遠食飯，去返屋企附近食，係荃灣比我地發現開左間夏捌月，原來這間西餐廳都開左第三間分店，應該不錯丫，於事入去試下先。入到去到餐廳格局不錯，餐牌上的不少菜式很新穎、特别是小食都很吸引 !【厚煎美國帶骨肉眼扒】$288肉眼扒真係好大塊，煎得好靚同好吸引。肉眼扒邊帶點牛筋，食落口腔裏充滿油份。我地叫5成熟，煎得沒有過火，每啖都帶著肉眼扒的香味。每款都有大大條的薯條、雞脾菇和蕃茄仔，再配紅菜頭既薯蓉，超正。【德國咸豬手】$238金黃色的脆皮豬手，外皮非常香脆，切開卜卜聲，本人比較喜歡咸豬手個外皮係香脆，這間店舖已經做到我要求，值得一讚，熱氣不停由肉散發出來，粉紅色的豬肉，肉質鮮嫩多汁，配以芥末醬，更能帶出豬手肉的鮮味。【樽裝奶茶】奶茶個茶味都夠濃、滑、甜度適中，不錯。