Dozy

Open Now

Now Closed

呢間舖滿滿工業風，好適合嚟傾偈或者一邊飲咖啡一邊工作~好好坐DOZY BRUNCH 法蘭克福腸、紐倫堡腸、炒蛋、燒大啡菇、燒番茄、 沙律菜、 法蘭克福腸好香，彈牙咬口、 加上燒過嘅大啡菇同烤過嘅蕃茄、 口感酸甜開胃😍 沙律菜平衡口感，令人唔會覺得太膩。最後配上熱辣辣嘅多士、 脆香好味🤤🤤北角限定全素意粉，呢個係北角分店嘅限定餐☺️睇佢其貌不揚，但係味道令人驚喜❗️🍹Gee Gee Gat Gat呢個名字好特別❗️廣東話嘅意思是嘰嘰趷趷😂呢杯特色飲品係咖啡基底再加入山楂、洛神花、話梅元素。飲之前用肉桂條攪拌均勻。飲起來好清爽。跟咖啡亦好搭，都幾意外。仲有一啲放狗嘅街坊，來飲杯咖啡，同店員傾偈。店員仲會喂狗狗一啲零食🥰好有愛🤩最後點左一件豆腐芝士蛋糕，口感幾特別，好似豆腐花😂豆腐味好濃，同芝士味好搭🤤呢度確實係與好友度過一個閑暇嘅週末，或者享受自己時光嘅好去處。