Video
Read full review
2019-02-25
1124 views
今晚為左方便大家，要搵一間中上環區嘅餐廳食飯，想試新野又唔想太貴，有人提議不如黎呢度。不知不覺原來都有幾年冇黎PMQ，呢間小店就喺正PMQ大閘左邊，非常易搵。一入到去，原來空間好大，門口有賣精品嘅角落。裝修走懷舊台式風格，令我諗起「那些年」，有特色、悠閒、舒服。大家一坐低覺得好肚餓，所以叫左成檯野食，有小菜、蛋餅同飲品。先黎飲品，我地三個都叫左檸檬冬瓜茶，味道非常討好，飲到底有冬瓜蓉，可以確定係自家熬製，甜味清新自然，飲完唔會有人工糖黐住喉嚨嘅感覺，令人印象好深刻，我下次黎都會再encore。食野前，發現餐具上印有貓貓頭，亦都有「理想的生活，一定要有書」、「為了想像和無目的而讀」等文青字句，好配合主題。台式醉雞酒味香但唔會過份濃，味道比平時食嘅醉雞汁多層次，雞肉嫩滑，份量亦比想像中多，有成十件。樹子水蓮台灣專有嘅水蓮菜，之前去台灣一食難忘，暫時發現只有呢度同某台式火鍋店有得食，炒得爽口入味，簡單調味已經好夠。小魚山蘇我地因為冇「月見過貓」而轉叫呢個菜，佢口感有少少似油麥菜，加入蒜蓉同魚仔一齊炒，非常惹味，上網搵一搵咩叫做山蘇，發現原來佢係一種鈣質、鐵質及膳食纖維都好豐富嘅菜，即時覺得健
一入到去，原來空間好大，門口有賣精品嘅角落。
裝修走懷舊台式風格，令我諗起「那些年」，有特色、悠閒、舒服。
大家一坐低覺得好肚餓，所以叫左成檯野食，有小菜、蛋餅同飲品。
先黎飲品，我地三個都叫左檸檬冬瓜茶，味道非常討好，飲到底有冬瓜蓉，可以確定係自家熬製，甜味清新自然，飲完唔會有人工糖黐住喉嚨嘅感覺，令人印象好深刻，我下次黎都會再encore。
食野前，發現餐具上印有貓貓頭，亦都有「理想的生活，一定要有書」、「為了想像和無目的而讀」等文青字句，好配合主題。
台式醉雞
酒味香但唔會過份濃，味道比平時食嘅醉雞汁多層次，雞肉嫩滑，份量亦比想像中多，有成十件。
樹子水蓮台灣專有嘅水蓮菜，之前去台灣一食難忘，暫時發現只有呢度同某台式火鍋店有得食，炒得爽口入味，簡單調味已經好夠。
小魚山蘇
我地因為冇「月見過貓」而轉叫呢個菜，佢口感有少少似油麥菜，加入蒜蓉同魚仔一齊炒，非常惹味，上網搵一搵咩叫做山蘇，發現原來佢係一種鈣質、鐵質及膳食纖維都好豐富嘅菜，即時覺得健康左。
老皮嫩肉
唔睇英文都估唔到呢個菜究竟係咩，簡單而言係鹽酥雞嘅豆腐版，調味調得唔錯，不過食時要小心熱。
烏龍茶香醺雞一上檯有一種獨特嘅醺香味，外面香脆，係比較少食到嘅特色菜，間中可以食少少青瓜絲清一清味蕾。
台式滷味拼盤有雞翼、雞蛋、蘿蔔、豆乾、豬耳，海帶，滷水味係正宗台灣食過嘅味道，全部都夠哂入味，兩下子食哂。
台式三杯雞雞件應該係先煎香，之後再加入醬汁，九層塔同少少辣椒令成個菜味道昇華，份量好慷慨，每人食到三件。
肉鬆蛋餅 & 香腸蛋餅兩個蛋餅望落係一樣嘅，只係入面材料唔同，個人鐘意肉鬆味多d，因為肉鬆同芝士可以完全融合，加埋蛋一齊食好滿足啊。香腸反而有少少自成一角嘅感覺，不過有得食台灣香腸都係吸引嘅。食得出廚師嘅心機，蛋餅有層薄薄嘅脆餅皮，入面係香滑嘅蛋。
享受喺中環食晚飯嘅時間，好寧靜，同日頭嘅繁忙都市形象完全不一樣。
Post
