Video
Read full review
2011-10-28
82 views
並非我地係SAMMI CAFE 既員工，而係本來book左星期二晚上八點，但服務員話我係book左星期五(其實本人都幾肯定自己係book星期二既)，所以冇位俾我地。不過我地三個人去到果陣已經係八點幾，好鬼肚餓，因此當服務員問：你地介唔介意坐入面? 我地都冇乜猶豫就答：ok!!SAMMI CAFE個亞姐好熱情咁招呼我地，又不停推介豬手餐，卒之，三個人點左三個餐(當然有豬手餐啦)，因為會share食，所以三款湯，每款一個。龍蝦湯夠濃味，而且個拉花仲好鬼靚，可以肯定廚師落足心思呀! 白湯就冇試喇，朋友話，對食冇乜要求，所以食咩都覺得好好味，其實白湯個拉花都好靚架，同個湯好襯架。雜菜湯本身已經有少少辣味，好正，不過佢因為唔係咁creamy湯式，所以冇得好似之前兩個湯，拉晒花咁。前菜另有芝士焗蠔，雖然得一隻，而且細細隻，但係，我就覺得一隻岩岩好，因為一陣黎既主菜都好大份架。而且由於佢用左大量芝士，所以一、香; 二、'溜'。主菜黎喇，同樣係三款share。德國豬手、香草羊架、白酒大蜆意粉。德國豬手原隻上，其實都係第一次見到，我地好用心咁切，切極都係得果少少肉，就發脾四：點解唔切埋俾人架? 有個年輕
SAMMI CAFE個亞姐好熱情咁招呼我地，又不停推介豬手餐，卒之，三個人點左三個餐(當然有豬手餐啦)，因為會share食，所以三款湯，每款一個。龍蝦湯夠濃味，而且個拉花仲好鬼靚，可以肯定廚師落足心思呀! 白湯就冇試喇，朋友話，對食冇乜要求，所以食咩都覺得好好味，其實白湯個拉花都好靚架，同個湯好襯架。雜菜湯本身已經有少少辣味，好正，不過佢因為唔係咁creamy湯式，所以冇得好似之前兩個湯，拉晒花咁。
前菜另有芝士焗蠔，雖然得一隻，而且細細隻，但係，我就覺得一隻岩岩好，因為一陣黎既主菜都好大份架。而且由於佢用左大量芝士，所以一、香; 二、'溜'。
主菜黎喇，同樣係三款share。德國豬手、香草羊架、白酒大蜆意粉。德國豬手原隻上，其實都係第一次見到，我地好用心咁切，切極都係得果少少肉，就發脾四：點解唔切埋俾人架? 有個年輕男子答道：我幫你拎入廚房切啦。豬手真係幾好食，皮脆肉嫩。配埋芥末係正。美中不足係佢地冇甜芥末。而羊架就細件左少少，賣相冇咩特別，但係點d薄荷、點d芥末就變得好食，真係第一次有呢種配角可以改變成部戲觀既感覺。大蜆意粉係最後點既，果陣諗住肚餓，點都要三個餐，而且個個都係薯菜底，唔叫番個飯或者意粉就唔會飽，最後呢個係唯一清唔晒架囉，事實係佢個汁太淡，所以食完咁多惹味既菜色後，再食呢個已經覺得淡而無味
甜品可以揀木糠布甸，或者加$30轉心太軟。原本都想轉，不過諗下諗下又覺得唔係好抵，就食布甸喇，唔使加錢既野，原本就冇乜要求，點知食落又幾滑喎。讚！
Post
