森美餐廳 (Moved) New Location

晚市放寛左第一時間去食喱間餐廳😂Mark左好耐但一直未有機會去試下大約6:00左右入去，用餐時間個半鐘餐廳裝修好靚😍有d餐會送餐包同湯，入座既時候侍應都會講一次餐包有d硬不過我比較鐘意食硬d既包所以好岩我餐湯就有d淡牛油果蟹肉沙律有大約半隻牛油果，牛油果好淋好好味！蟹肉既份量都幾多，配埋d菜一齊食就冇咁濟香蒜辣椒欖油鳳尾蝦意大利粉個人覺得蒜味可以再重d😂但整體來講個意大利粉非常唔錯少少辣好開胃安格斯牛肉芝士漢堡個漢堡好驚喜！牛肉唔會太熟唔痴牙，入面既餡好足料！搭埋薯條真係好正！不過可惜我地太飽食唔曬d薯條😿由於加30蚊會有野飲同甜品所以就諗住試下焦糖咖啡同蜜桃紅茶杯焦糖咖啡唔算太甜！好岩我飲！係好有驚喜既野飲唔怪得大部分既客人都係叫喱杯野飲🤣如果鐘意飲清d既蜜桃紅茶就好岩你地，不過就比較普通冇焦糖咖啡咁surprise 唔知係咪因為我地實在太飽所以覺得d甜品比較普通😂不過不失😂我地叫左咁多野飲埋單都係400幾蚊真係好抵食😂支持黃圈！

食過下午茶覺得ok, 所以再試。見到餐牌價錢比較貴, 也試試質素如何吧。點了煙鴨胸芥茉籽焗意粉, 一客烤羊架套餐。 首先來的是烤羊架套餐。 調味不過不失, 汁也是一般。難過的是羊架太多筋， 難讌。下一道煙鴨胸芥茉籽焗意粉, 更失望。煙鴨胸沒有煙鴨胸的樣子， 比普通茶餐廳煙鴨胸公仔麵更差。是很鞋的普通鴨肉。 最後我只想食掉其餘的意粉。幸好本人不是很餓。 最後埋單$28x 這樣價錢可以有更多很好的選擇, 質素不是不夠好, 而是非常差。

呢日星期日同朋友黎食lunch,因為森美好似係荃灣都幾有名氣的,而且偶爾經過都見到人排隊我係去左三樓個間分店的,等了大概10-15分鐘就入到去了見到佢寫住紅酒燴牛尾係推介所以就一試了黎先的是餐湯,冇得揀得白湯首先收五十幾而餐湯無得揀係有點令人失望的而且個湯雖然都ok有料但唔係咁入味,質地都略稀,不太討好到個正餐黎了!遺憾個飯又係煮得太稀,雖然未至於一舊舊,但無口感可言,真係自己煮都冇咁sad而個配菜莫名其妙的加左d香草,但係個菜本身就凍凍地,同d香草勁唔match平時我都會食配菜的,但呢個味實在唔得個牛尾其實都算ok,但就食唔出有咩特別個汁都係淡,係送唔到飯的汁黎完全令人大失所望對於$55的價錢,佢真係唔係太值隨便在沙田一間餐廳食過四十蚊都好過佢好多!!實在比唔到好評,價性比太低了

傍晚到荃灣睇戲後, 想不到晚飯有甚麼好去處, 隨便到openrice看食評, 然後便揀了森美餐廳。餐廳位處在兩座大廈的中間, 有點像後巷的感覺。來到門前的餐牌, 一看便有點猶疑。 因為價錢不算便宜, 每一個都差不多$200(包括加一)。看這地點及店內的裝修, 似乎有點……最後, 還是進去搏一搏那時差不多八點半, 一進去發覺只有兩枱客人, 感覺有點奇怪。是地點偏僻, 還是食物質素有問題, 為何會這麼少客人??? 接著, 我們被安排到一張二人枱。 看畢Menu後，還是選了上面的廚師推介，一個是威靈頓牛柳(跟意粉)，另一個是鵝肝、牛肝菌意大利飯。1. 餐湯點了一紅(雜菜湯)、一白(忌廉湯)。我們每人各試一半，跟餐的湯我從來都沒甚要求, 過得去便算。紅湯酸得來帶點辣, 還有點嗆喉的感覺(朋友覺得可能是辣的感覺),但我不認為只是辣而已,湯裏伴隨一點蕃茄和蔬菜作配料。我覺得太濃, 朋友覺得比較普通, 只是普通餐湯。白湯明顯是開粉水加些少魚塊、菜粒, 味道好像從前美而廉的白湯一樣, 淡淡的。2. 蒜蓉包(跟餐)包邊脆但中間韌, 蒜蓉很少3. 主菜1: 特式威靈頓牛柳 (巴馬火腿、芝士)這個特式威靈頓

同媽媽生日食飯，8點半到左，環境以小形商場嚟講已經算係咁，不能要求太多。食物方面只能講唔值咁嘅價錢，意粉唔夠熱，羊架太韌。不過garlic bread 好食，好脆好香，心太軟好好味，算係為呢餐晚餐補回少少分數。

有一些餐廳雖然是在 wishing list，可是卻提不起勁去走一趟，或者隔了一段頗長時間才會到訪。其中一間便是森美餐廳，從前年開始已列入表中，但一直都沒有安排時間，甚至可能被遺忘。直到今日清明節，不如去一趟吧。森美餐廳並不是很大的餐廳，只是小店一間，當初還以為是像港式豉油餐廳一樣的大，可是有點失望，不過這也不要緊，最緊要的是可支持一下小店。如果不想花費太多，可從午餐牌中點一個午餐，相對便宜得多，在下也只點了一個午餐吧。沒有紅湯下，點了忌廉湯，這湯濃稠，富有忌廉口味，裡內的材料不多，然而如困忌廉不是落得太多的話，稀一點會是好的。黑椒肉眼扒配薯菜。以這樣的價錢，不期望有任何高質素的品質，肉眼扒有點像是茶記的牛扒，不厚較薄的兩塊，一大一小，店員沒問在下要幾熟，但可見已經是全熟，肉質不算鬆化，有點靭，未至於老到切不開，而且沒甚太多肉汁在內。蔬菜明顯炒過，不錯。凍咖啡一如貫徹的香濃，夠滑，但可以有更醇厚的咖啡味道。雖然沒有預期會有甚麼質素，但是卻符合了基本的要求，因此整體來說只是一般般吧。假期午餐時段客人不多，始料不及。

森美餐廳, 對年青一輩的荃灣人來說, 相信不陌生。豬大人亦知道青蛙聽聞多時, 而又一直想試,於是提前一星期book了檯 ^^終於來到這個需要加班的星期六,豬大人到了青蛙的公司來接青蛙食晚飯。到達餐廳也不過是18:00, 就只有我倆一檯客人~我倆點了以下的食物:1. 鴨肝燴飯2. 煎牛扒伴大蝦3. 心太軟甜品首先是鴨肝燴飯上桌, 新鮮熱辣的燴飯略為淡口, 主角之一的即煎鴨肝亦不夠外脆內軟,整體上只是合格。另外的煎牛扒伴大蝦,厚厚的牛扒煎得比較乾身, 幸而不會太硬;至於大蝦則非常好吃, 食材新鮮是主因~一隻兩個share也太少了吧 而伴碟的即炸薯條亦很好吃!!最後點了一個心太軟,因為即整的關係, 等了十五分鐘~全晚最好吃的東東,要算是它了.....熱辣辣的朱古力醬從蛋糕內流出來,配上雲尼拿味雪糕,一冷一熱入口,感覺非常配合~而且朱古力醬不太甜,合乎豬大人的口味 ^^ 

看過別人的食評，對森美餐廳感到興趣，所以決定去試一試。由於我們很早到，6:15pm已經入坐，所以當時不需要等位。入坐很，看過精選套餐，並不很感興趣，最後我們叫了兩個很普通的餐：焗肉醬意粉及焗雞扒飯。焗肉醬意粉用的肉醬是豬肉，當中帶有很燶香草味，味道出色，亦不會焗得過長時時間。焗雞扒飯的醬料超讚，很好味！雞扒不過不失。或都雞肉與焗飯不是十分匹配，所以感覺上不是很突出。跟餐的周打海鮮湯很很好味，十分讚！！！環境方面，地方不大，亦不是容易找，但都很雅致，感到舒服的。總結，最普通的菜式，最能反映一間餐廳的食物質素。這一餐，令我相信這是有質素的西餐廳。順帶一提，餐廳的服務態度非常好，很貼心。

燒春雞配薯菜 $45 (好食指數:7.5/10) 2013-07-08 午市套餐嘆到平時百多元既燒春雞真係好抵！唔好以為咁平實唔好食啦，雞燒得嫩口，而且佢既汁幾好食，絕對唔似茶餐廳或者快餐。

經介紹後食的一間,一行3人,地方很細和迫了一點有LUNCH SET,但一場來到,就試了晚上既食物叫了1個T-BONE,3成熟白湯幾重CREAM味,不錯蒜包個樣幾靚,但味唔夠蒜主角T-BONE份量大約12OZ(我估),肉質很軟,但應該係港式扒STYLE(下了粉),牛味不重,性價比低呢個價錢應該要比番好少少既扒我,因為都成OVER150$$ANYWAY味道係合格,只係完全唔值

本想叫個龍蝦配牛套餐，但已賣晒，唯有叫大蝦配牛柳，蝦跟牛都不過不失。朋友點的煎鵝肝配意大利飯，鵝肝十分香軟好味。百多元一個套餐還包括餐湯，二片法包及餐茶。另點了焗薯茸田螺及焗蟹蓋，但兩者皆不太突出。餐廳環境十分不錯，價錢算公道，會再幫襯。

以往生日之星開餐, 都是選擇較"好坐"及高級一點點的食店, 今次除了是生日飯之外, 還是 house warming, 好友 v 剛搬了家, 她為我們找尋了這間餐廳, 大家那就試試看啊~ 牛肝菌汁豬排可以選擇飯, 意粉或薯菜, 我們每人各 order 一份~我的飯涼了, 幸好豬排補回分數, 肉質頗腍, sauce 都好, 有少許牛肝菌在上面, 我們三人都覺得汁很好味, 叫侍應給我們多些, 他二話不說就給我們一個杯子, 蠻有誠意!煎羊排朋友點的菜, 她給了我試一口, 沒有"蘇"味, 有驚喜 , 因為我本身不好羊的~ 食落其實有點似牛排~如果喜歡重羊味的, 這個可能唔啱你 ~ 肉質跟豬排一樣, 也是很腍呢~另外還叫了一個芝士焗蕃茄菠蘿飯, 看起來有點像大家樂的一哥豬排飯那個 sauce, 賣相不俗~朋友說如果加埋我地塊豬排仲好 ~ 飲品都是大路是咖啡奶茶檸茶檸水~ 茶好像很澀, 很怕這種茶, 喝不出茶香, 又不知沖了多少次~我 order 的 華田淡得很, 要加很多糖先 "有味" 總的來說, 食物是蠻有驚喜的, given 它的格局真的很茶記 feel , 唯食物及賣相, 味道卻不太地茂,

當日入去食個tea,起初在門口望下個lunch set menu時,有個職員行出來轉個tea set menu~都有好多款wo,入去坐低慢慢睇~有焗薯,通粉,小食的款式~最後我揀1份茄汁煙3文魚炒意粉 $28等左8min左右便上菜,真係幾快~有4大片的煙3文魚,yummy~有好多鮮茄粒呢~仲有洋蔥,都幾惹味!!意粉很幼細,口感一致呢~又唔會多油!冷熱飲同價,抵呀~點左杏仁霜,白滑,仲有健康代糖tim!媽子的什香草鮮菌炒天使麵-也很不錯桌面的餐具都好乾淨,good service!下次有機會,會再來~

尋日(26-12-2012 Wed)boxing day,男友被安排放假,我o地起身後外出走動,12:00pm喇,先食個晏,男友話去Pokka,我唔想去喇,因為佢地上菜o既節奏好慢.咁邊間呢?Tomato?冇耐前食過,唔再食住啦.森美,突然記得好耐冇幫趁喇,於是走o黎.o黎到暫時未有客人,我同男友要$45.00o既午餐,我o既係芥末籽汁龍脷柳配薯菜,男友要焗海鮮千層粉,餐飲遲啲叫.冇耐,是日餐湯到o黎,睇睇顏色係米米地o既,應該係蘑菇湯,飲吓先,果然係,蘑菇味道好濃,湯身杰度適中,唔錯.之後我o既芥末籽汁龍脷柳配薯菜到o黎,女侍應好醒目地拎埋支茄汁畀我.件龍脷柳煎得好熱,但太薄身,味道….冇芥末味o既?遜色啲喎,而薯角就冇乜問題.我o個個差唔多食晒,男友o個個至到o黎,應該係製作須時吧.o黎到睇睇,份量都唔係好多,唔知有咩o野海鮮呢?我食到有鹹蜆肉,魷魚同八爪魚,而千層粉口感都唔錯,味道就呢個好啲,比較惹味.之後我叫o野飲,我要凍鴛鴦,男友要凍檸茶.o黎到,點知男友o個個畀錯o左,畀o左凍奶茶.男友話算吧,照要.我飲吓杯鴛鴦先,只飲到淡淡咖啡味,冇奶茶味,或者男友講得o岩,呢啲o野o係

6時多經過荃灣, 突然想起這裡有間森美餐廳, 見網上評價不錯, 決定試試吧~地方比較難搵, 地方不很大, 卻更感親切,叫了特色威靂頓牛柳餐, 牛柳火侯不錯, 很少餐廳做得好, 但個人認為下之可以叫威靂頓牛柳,不用特色這款, 因特色的是加了芝士及parma ham, 比較膩, 而且芝士好像是普通片裝芝士, 不加還好餐湯還可以~總結這是可以一再去的餐廳, 以百多元(set)來說能食到不錯的牛柳, 已很少有, 個人來說非常怕一d餐廳用梳打粉把牛肉弄到一patpat, 而些間沒有這樣做, 能食出牛肉的質感