重慶小食

Open Now

Now Closed

夜晚去葵涌劇院睇話劇，朋友建議去葵涌廣場掃街。我腦海裏立即飄過魚蛋、魚肉生菜、碗仔翅，但原來宜家唔再興呢啲20世紀末的掃街小食，取而代之的是媲美酒店級別的甜品小食。【葵涌廣場掃街連環出擊】🚀第三擊掃街第三擊，食涼皮！店鋪好多人排隊，雖然阿姐已經密密做，冇停手，可想而知生意幾好。有三種麵食選擇，有涼皮、涼麵和酸辣粉，另加唔同食材。阿姐快手從玻璃櫃取出食物材料，攪拌後裝盒交貨，好快手。就算客人三心兩意、改嚟改去或者慢吞吞，都唔會有怨言。我叫咗手工涼皮，加蓮藕片和青瓜，中辣。朋友點咗涼皮加腐竹、海帶絲和雞肉，小辣。涼皮好滑，蓮藕青瓜清爽，雖然係中辣，但仍然覺得唔夠辣，唔夠爽，下次要點大辣。朋友嗰份就清淡啲。一路食，一路覺得好過癮，商場掃街，都係第一次。葵涌廣場掃街連環出擊，完結。