Video
Read full review
2016-11-02
740 views
唔好俾我個標題嚇親其實我都係想講今晚食餐呢間餐廳會食到一啲係普通中西日餐廳食唔到既新菜式呢道既菜式fusion味十足 帶到一百分既新鮮感俾鐘意新鮮事物既食客黃$38潮流興detox 所以享用晚餐前就叫左杯由新鮮生果搾成既果汁抗下氧化先呢杯叫黃既東東有豐富既菠蘿味事關佢係由菠蘿 香蕉 荔枝 雪梨汁搾成飲兩啖為今晚既晚餐做好準備豬不理沙律$78豬不理沙律 聽到呢個名會諗起係咪中菜既狗不理呢？之後再諗狗不理係包黎咖喎 沙律加包咪好怪？之後睇清楚餐牌 原來豬不理沙律另一個名叫做意式豬頸肉卡不理沙律因為友人係豬頸肉愛好者 所以就膽粗粗叫黎試下結果係無令人失望豬頸肉個人認為係全隻豬入面肉脂比例較平均既一部分所以好難食到骸口既豬頸肉再加埋原片芝士同蕃茄一齊食為今晚既晚餐打開序幕芒果軟殻蟹卷$88Wrap係歐洲就食得多返到香港為左懷念係歐洲既日子有時都會叫返個wrap食芒果同軟殻蟹既配搭 係某壽司店既壽司卷就食得多 唔知加入去wrap有咩火花呢首先其實小妹都幾鐘意食芒果軟殻蟹呢個組合因為貪食軟殻蟹夠方便 唔洗拆殻又夠香口加埋芒果既香甜中和返軟殻蟹既熱氣 可以話係絕配包係wrap專用既皮入面 無違和感之
唔好俾我個標題嚇親其實我都係想講今晚食餐呢間餐廳會食到一啲係普通中西日餐廳食唔到既新菜式
呢道既菜式fusion味十足 帶到一百分既新鮮感俾鐘意新鮮事物既食客
黃$38潮流興detox 所以享用晚餐前就叫左杯由新鮮生果搾成既果汁抗下氧化先
呢杯叫黃既東東有豐富既菠蘿味
事關佢係由菠蘿 香蕉 荔枝 雪梨汁搾成
飲兩啖為今晚既晚餐做好準備
豬不理沙律$78豬不理沙律 聽到呢個名會諗起係咪中菜既狗不理呢？
之後再諗狗不理係包黎咖喎 沙律加包咪好怪？
之後睇清楚餐牌 原來豬不理沙律另一個名叫做意式豬頸肉卡不理沙律
因為友人係豬頸肉愛好者 所以就膽粗粗叫黎試下
結果係無令人失望
豬頸肉個人認為係全隻豬入面肉脂比例較平均既一部分
所以好難食到骸口既豬頸肉
再加埋原片芝士同蕃茄一齊食
為今晚既晚餐打開序幕
芒果軟殻蟹卷$88Wrap係歐洲就食得多
返到香港為左懷念係歐洲既日子有時都會叫返個wrap食
芒果同軟殻蟹既配搭 係某壽司店既壽司卷就食得多 唔知加入去wrap有咩火花呢
首先其實小妹都幾鐘意食芒果軟殻蟹呢個組合
因為貪食軟殻蟹夠方便 唔洗拆殻又夠香口
加埋芒果既香甜中和返軟殻蟹既熱氣 可以話係絕配
包係wrap專用既皮入面 無違和感之餘 仲要幾好食 所以不防一試！
66 Afagatto $78一個完整既晚餐點可以無甜品
聽到Afagatto呢個名好勁所以就叫左呢個甜品
唔講唔知 原來呢個Afagatto既意思姐係由一個由tiramisu雪糕 酒浸車厘子 加埋espresso整成既甜品
當你以為所有野都係撈埋一齊上既時候
其實我地身為客人 同個甜甜品都有啲互動既
互動位就係我地要自己淋啲espresso 上個雪糕道
雪糕既凍加埋熱熱既espresso shot可謂冰火交融
Espresso既甘正好中和雪糕既甜
呢個甜品絕對係呃like首選
Post
