Video
Read full review
2006-04-20
5 views
鬼仔在香港過境，當然要出來飲番杯。在Soho路口飲左第一轉，要找點東西醫肚。當然不會帶佢去食西餐，就行落兩條街，在九記及牛記兩大品牌中，選了後者。呢度十年如一日，平日都係咁多人幫襯。選在在門口的卡位坐底，這裡搬了新舖後，地方當然新左，連架電視都清晰左。阿牛記老麥好野，隔幾年我廋左幾十磅佢都一眼認得我。他走來自動報料，話有半條鯇魚幾條紅衫，我指指鬼仔，佢立即醒目的轉軑：「咁要咕嚕肉定生炒骨？」就要了後者，同埋在這裡必叫的蒸長州三寶及灼芥蘭一碟，走去廚房睇下，窩薯仔蕃茄湯好似好對路，又一人要了一碗。先來湯，淨係睇碗內的幾舊紅蘿蔔及薯仔，煲到粒粒圓碌碌，就知煲得好夠火路。雖然湯面飄油，但夠味又濃郁甜美，剛好清洗那浸著啤酒的半個胃。老火湯，一向是這裡的強項，是個人而言，在牛記必叫的菜色之一；蒸長州三寶，就是第二味必叫的菜市場。三寶者，蝦乾、銀魚乾及魷魚乾是也，一大碟蒸好的三寶，舖上切幼的薑絲，淋上豉油熟油，夠香味又有睇頭。這一味三寶，鹹香有致，幾款乾貨都是靚貨，簡單得來又有風味。單是這味菜，已可下一碗大飯，再或用來下啤酒又可以，是個人而言，在牛記必叫的菜色之二；因為只得兩個人，吃不下那麼多，必
呢度十年如一日，平日都係咁多人幫襯。選在在門口的卡位坐底，這裡搬了新舖後，地方當然新左，連架電視都清晰左。阿牛記老麥好野，隔幾年我廋左幾十磅佢都一眼認得我。他走來自動報料，話有半條鯇魚幾條紅衫，我指指鬼仔，佢立即醒目的轉軑：「咁要咕嚕肉定生炒骨？」就要了後者，同埋在這裡必叫的蒸長州三寶及灼芥蘭一碟，走去廚房睇下，窩薯仔蕃茄湯好似好對路，又一人要了一碗。
先來湯，淨係睇碗內的幾舊紅蘿蔔及薯仔，煲到粒粒圓碌碌，就知煲得好夠火路。雖然湯面飄油，但夠味又濃郁甜美，剛好清洗那浸著啤酒的半個胃。老火湯，一向是這裡的強項，是個人而言，在牛記必叫的菜色之一；
蒸長州三寶，就是第二味必叫的菜市場。三寶者，蝦乾、銀魚乾及魷魚乾是也，一大碟蒸好的三寶，舖上切幼的薑絲，淋上豉油熟油，夠香味又有睇頭。這一味三寶，鹹香有致，幾款乾貨都是靚貨，簡單得來又有風味。單是這味菜，已可下一碗大飯，再或用來下啤酒又可以，是個人而言，在牛記必叫的菜色之二；
因為只得兩個人，吃不下那麼多，必叫的第三味，只待下回分解了；
生炒骨一般水準，不太脆口又酸多於甜，不過鬼仔無咩要求，也是吃得津津有味的；芥蘭亦爽脆嫩綠，加點蒸三寶的豉油熟油，絕對是「汁都撈埋」。
阿姐招呼不錯，仍舊是家庭式風味。
埋單一百五十幾蚊，吃得飽一飽，很滿足。專誠來是不必，但在附近蒲完要吃點東西，也不錯。
之後再去飲過。
Post
