Video
Read full review
2024-04-19
15 views
今日約咗一個好耐冇見嘅朋友食飯。想搵一個適合談心嘅地方。見天后sooo oyster氣氛同環境都好好，價錢親民,就決定去食喇。入到去餐廳，見有一大幅石牆，好有西方嘅風情。前方嘅Bar枱位置仲可以見有生猛嘅海鮮喺魚缸入邊，即刻想點佢啲海鮮嚟食。我哋跟住點咗以下菜式。南非生蠔（saldanha bay - $53@），法國生蠔（gillardeau-$64@）：職員提示我哋先食南非生蠔，後食法國生蠔。南非生蠔質感爽口，味道鮮甜，而法國生蠔比較重海水味，質感Creamy。香焗蒜蓉包（$58）：一客兩件。蒜蓉味非常香濃，麵包焗得好脆口。焗芝士蟹肉釀蘑菇（$118）：一客有兩件。蘑菇Juicy。芝士有拉絲嘅效果。加埋蟹肉一齊食 ，增加口感層次炭燒黑毛豬扒配時令蔬菜（$348）：呢個估唔到咁好食！豬扒整得一啲都唔嚡。肉質嫩滑，肉汁豐富。黑毛豬質素靚，只需要小小調味，已經帶起黑毛豬嘅鮮味。墨汁海鮮細麵條（$238）：有帶子，蝦，青口，魷魚同魚喺入邊，材料豐富。意粉質感適中，唔會太腍。Cheese cake：芝士味非常濃厚，唔係好Heavy嗰種質地食完都唔覺得膩。
今日約咗一個好耐冇見嘅朋友食飯。想搵一個適合談心嘅地方。見天后sooo oyster氣氛同環境都好好，價錢親民,就決定去食喇。
入到去餐廳，見有一大幅石牆，好有西方嘅風情。前方嘅Bar枱位置仲可以見有生猛嘅海鮮喺魚缸入邊，即刻想點佢啲海鮮嚟食。我哋跟住點咗以下菜式。
南非生蠔（saldanha bay - $53@），法國生蠔（gillardeau-$64@）：職員提示我哋先食南非生蠔，後食法國生蠔。南非生蠔質感爽口，味道鮮甜，而法國生蠔比較重海水味，質感Creamy。
香焗蒜蓉包（$58）：一客兩件。蒜蓉味非常香濃，麵包焗得好脆口。
焗芝士蟹肉釀蘑菇（$118）：一客有兩件。蘑菇Juicy。芝士有拉絲嘅效果。加埋蟹肉一齊食 ，增加口感層次
炭燒黑毛豬扒配時令蔬菜（$348）：呢個估唔到咁好食！豬扒整得一啲都唔嚡。肉質嫩滑，肉汁豐富。黑毛豬質素靚，只需要小小調味，已經帶起黑毛豬嘅鮮味。
墨汁海鮮細麵條（$238）：有帶子，蝦，青口，魷魚同魚喺入邊，材料豐富。意粉質感適中，唔會太腍。
Cheese cake：芝士味非常濃厚，唔係好Heavy嗰種質地食完都唔覺得膩。
Post
