Video
Read full review
2021-11-25
434 views
之前中午時間經過見到「一起食堂 」已經想幫襯，但奈何次次都大排長龍。不過星期五晚就相反，皆因大家放工都想盡快離開觀塘呢個上班地點💼，哈哈😆。餐廳門口有啲神秘，因為睇唔到入面。原來內裡都幾四正，裝修唔算非常別緻，但亦不乏台灣文青味道🇹🇼，而且最重要係坐得舒服。呢度主打台菜，不過同時亦有提供少量和風料理🍱。食物定價大眾化，份量又夠多，難怪午市咁爆場啦。紅燒三寶牛肉麵($88)，牛肉麵好高質🍜，佢無論湯底、麵條定餸料均處理得好好。麵條並非用上陽春麵，如果要形容，應該係似偏狀嘅烏冬麵，質感煙韌，並且唔會浸淋。🐮牛三寶包括牛肋肉、牛腱同牛丸，前兩者大大件，肉身夠厚，食落讓人有滿足感，而牛丸亦好正，爽彈多汁。紅燒湯底幾惹味🤤，微微酸、微微辣，只可惜比較少汁，唔夠喉。蔥油土雞肉飯($58)，佢完全唔似台菜，因為一向食開嘅魯肉飯都係好細碗。佢以湯碗裝滿飯🍚，你可想而知佢份量有幾多！整體味道OK，每啖都食到雞肉同乾蒜🐔，仲有隻滷蛋添，但略嫌偏乾身，因為個飯無乜汁。不過我膽粗粗問店員有冇麻辣汁，點知又真係有，撈完汁成個飯感覺即刻昇華不少🌶，佢嘅辣度啱啱好，香而不烈。鹽酥雞($38)，🍗炸雞粒好出色，炸衣薄
之前中午時間經過見到「一起食堂 」已經想幫襯，但奈何次次都大排長龍。不過星期五晚就相反，皆因大家放工都想盡快離開觀塘呢個上班地點💼，哈哈😆。
餐廳門口有啲神秘，因為睇唔到入面。原來內裡都幾四正，裝修唔算非常別緻，但亦不乏台灣文青味道🇹🇼，而且最重要係坐得舒服。
呢度主打台菜，不過同時亦有提供少量和風料理🍱。食物定價大眾化，份量又夠多，難怪午市咁爆場啦。
紅燒三寶牛肉麵
$88
4 views
0 likes
0 comments
紅燒三寶牛肉麵($88)，牛肉麵好高質🍜，佢無論湯底、麵條定餸料均處理得好好。麵條並非用上陽春麵，如果要形容，應該係似偏狀嘅烏冬麵，質感煙韌，並且唔會浸淋。🐮牛三寶包括牛肋肉、牛腱同牛丸，前兩者大大件，肉身夠厚，食落讓人有滿足感，而牛丸亦好正，爽彈多汁。紅燒湯底幾惹味🤤，微微酸、微微辣，只可惜比較少汁，唔夠喉。
蔥油土雞肉飯($58)，佢完全唔似台菜，因為一向食開嘅魯肉飯都係好細碗。佢以湯碗裝滿飯🍚，你可想而知佢份量有幾多！整體味道OK，每啖都食到雞肉同乾蒜🐔，仲有隻滷蛋添，但略嫌偏乾身，因為個飯無乜汁。不過我膽粗粗問店員有冇麻辣汁，點知又真係有，撈完汁成個飯感覺即刻昇華不少🌶，佢嘅辣度啱啱好，香而不烈。
鹽酥雞
$38
7 views
0 likes
0 comments
綜合關東煮($58)，關東煮就普普通通🍢，湯底唔夠正宗，並無日式嗰種鹹香。我覺得佢似雜丸湯多啲，款式係幾多，但又無乜邊款係特別嘢。
芋圓仙草凍($35)，最後當然要嚟返碗台式甜品🍮，仙草凍滑嘟嘟，清香唔會過甜。芋圓有三隻色，賣相繽紛，而口感亦尚算Q彈，食埋佢真係飽晒。
嗌主食可以用優惠價$12加配$25以下嘅飲品🧋，我哋要咗凍珍珠奶茶同仙草冬瓜茶，兩杯都大大杯，味道中矩中舉，未有太大驚喜，不過抵飲。
總括嚟講，餐廳各方面都唔錯，喺觀塘想食台灣菜可以考慮嚟呢度😉。除咗上述介紹，我亦想讚揚店員們嘅態度，佢哋全部都好有禮貌👍，淨係呢點經已加咗唔少分。再加上佢係良心小店，值得大家多多支持💛。
Post
