咖吔

Open Now

Now Closed

咖吔嘅食物質素高，有好多款式、下午茶時間去會抵食啲，餐廳現代的裝修坐得舒服、適合同大班朋友或者家人一齊享受美食。檳城蝦麵$68呢碗蝦麵有好多大隻已脫皮既新鮮蝦仁，配埋彈牙鴛鴦麵配米粉、湯汁鮮美，味道非常正宗。份量豐富，值得一試。星洲香辣炒飯$80香辣風味亦可選少辣！啲飯炒得香口、粒粒分明。入面仲加入唔同嘅配料，蝦肉、瘦肉、蝦仔、肉鬆、青瓜、洋蔥同蛋。豐富嘅配料、豐富嘅口感。串燒拼盤$75分別有兩串大蝦仁、兩串雞肉同兩串魷魚，串燒燒得啱啱好、香口入味，而且仲有一個新加坡風味嘅醬汁可以點，非常惹味！班蘭咖吔多士$32係東南亞餐廳必點既招牌小食，多士香脆金黃、外脆內軟配牛油同斑斕醬，好好味😋飲品- 海鹽雪糕椰汁珍多冰+12 、 熱馬來拉茶 枯仔話梅水海鹽雪糕·真心正、賣相吸引、味道亦非常美味。係呢杯要加錢、其他嗰兩款下午茶跟餐都唔需要，而呢到既拉茶- 茶味香濃好滑👍🏻桔仔話梅水味道都濃郁、清甜解渴。