Piccolo Pizzeria & Bar (爹核士街) (Closed)

店子有個Open Kitchen，客人可以透過玻璃，看到師傅即場炮製自己的Pizza，多好！Piccolo Chicken Salad，就是沙律也用上店家的名字，唔可以睇少。新鮮爽脆的沙律菜，絲絲的香脆不硬的炸雞，還有大量的芝士，以及Mayo，相當開胃。另外的Fried Cheese，心想會是炸得香脆熱辣的那種，點知，我又諗多左。這水牛芝士，以煙肉包裹著，再煎香，有趣。外層的煙肉是稍稍咸了一些，連同火箭菜同吃，就好得多。我指定要食的，就肯定係火腿啦！24個月的出品，軟熟可口，捲起連埋清甜多汁的哈密瓜來吃，美妙。是日有兩款湯，分別是磨菇湯，同埋意大利菜湯。不過，兩者均是加入了雞湯，所以素食者要止步。磨菇湯幾香，而意大利菜湯，就超級的足料，我反而覺得有點過杰。喝完湯，就到食Pasta，揀選的蒜香辣意粉，惹味非常，質素甚高，我很喜歡。若不是胃納太細，我會考慮加多客Carbonara來吃囉～咁嚟到薄餅專門店，唔食番件Pizza，又真係講唔通既。簡單的來一件9吋的夏威夷薄餅，清新醒胃，批底及批邊亦做得好，不負眾望。甜品之前，再來一款，是肉食就無問題啦！大大份的Rib，鬆化夠味，我也吃了三枝骨了。