delish kitchen by ALOT

Open Now

Now Closed

老友吹雞出黎食嘢，大家都無idea。諗起Airside開幕後一直未去過，即管去嗰邊逛下，事先上openrice揀左呢間餐廳。在餐廳外望唔覺有咩特別，行入去就覺得好寬敞，透過落地玻璃望住出面天陰陰落雨，在室內感覺好悠閒舒服。個月球加埋啲剪紙裝飾，簡約中有藝術感。望住啲餐具都覺得好靚，食都食得開心啲。我地叫左4個lunch。首先上枱嘅忌廉磨菇湯，入口啖啖足料磨菇粒，濃郁creamy。  沙律超乎想像大碟，蟹籽蟹肉咸香，配上胡麻醬汁，整體口感清爽。漢堡肉汁滿滿，加埋芝士和洋葱，非常惹味。值得一讚係蕃薯條唔駛點松露醬都非常可口。朋友仔話呢個黑毛豬似叉燒，可能係梅頭扒嘅關係，但仍然相當好食嘅。牛扒熟度剛好，肉味香濃，肉質軟熟，不用點任何醬汁都好味到震。外脆內軟嘅薯條，雖然都好食，但大家都要留翻個胃食甜品。4個甜品互相輝映。檸檬批微酸醒胃; 麻糬嘅玫瑰味芳香四溢; 千層酥鬆脆，吉士香滑; 芝士蛋糕甜度適中，配上柚子醬一啲都唔膩。加埋四杯飲品，一坐就坐左4個鐘，假日最寫意嘅享受，莫過於此。