Season Plus (Moved) New Location

媽媽一向鍾意食蠔，今次同佢黎到朋友介紹的地下花園。位置在於觀塘區的工廈，門面是十分繽紛的草綠色。一條樓梯到底，有一種秘密花園的感覺。入內佔地十分大，放滿紅白酒同凍肉海鮮，睇黎有唔少人來選購海鮮白酒的。中間有少量位置for堂食，我地亦好好彩佔到一張檯。Menu好靚，由此得知原來九龍灣同新蒲崗都有分店。唔知係咪批發的關係，海鮮生蠔價錢非常吸引，$9一隻生蠔，仲係開好堂食的！ 生蠔雖然價錢平，Size比較細，但絕無欺場。肉質偏爽口，鮮味同海水味都十足的。比唔上傳統法國靚蠔，但性價比十足！煙三文魚沙律大份足料，好大碟。蔬菜爽口，醬汁酸酸甜甜的，很開胃。炸魚手指排得好整齊，仿似金磚。熱辣辣的魚手指外脆內軟，沾上沙律醬吊味，食到停唔到口。主菜是另一驚喜，羊架四件，份量十足。羊肉火候剛好，肉質嫩滑，肉味濃郁。香料調味方面亦十分出色，香草味十分突出。伴碟的薯角都好香脆，少少辣十分惹味。整體而言，雖然算不上高級西餐，但食物質素都算唔錯，而且價錢是絕對吸引。二人飽飽的，食埋生蠔，五百個大洋就走得，抵。