想甜嚐甜 (Closed)

最近教會斜路開左一間新嘅甜品舖，老實講嗰個位幾乎開乜都好快就摺，但今次呢間甜品舖，每一晚都要排隊入去，每每都等你幾個字，睇嚟都應該可以頂到一段時間。我今日就同左男朋友去試一試。單係呢一客玫瑰荔枝心太軟+薰衣草乳酪雪糕賣相真係好吸引，而且味道仲唔差添，玫瑰荔枝唔會太漏，而且個心太軟熱辣辣，食入口嘅質地非常軟熟，表面灑上糖霜，味道不錯。而雪糕嘅薰衣草唔算太濃，其實呢一個都係賣點，因為太濃嘅話感覺真係同食草差唔多。伴上一啲玄米，食入口有脆卜卜嘅口感。至於呢個紫薯奶凍就俾佢個賣相呃哂，因為好似個樣真係幾好食咁，加上個容器又吸引可惜嘅係奶凍勁快溶，而且紫薯只係表面，而且食入口個奶凍好淡，無乜紫薯味，有啲失望。