Video
Read full review
2017-03-08
102 views
平時同朋友去食Omakase ，師傅嘅刀法同新鮮嘅魚鮮，係令人最難忘嘅。好在香港有唔少好嘅本地師傅做Omakase, 但係如果係香港可以食到日本師傅親自操刀既料理，不管係唔係Omakase , 都一定正宗。今次就係第一次坐係Bar 頭，對住個日藉師傅食晚飯。由於係本人老闆，成間餐廳嘅裝修，洋溢著一股簡約的日式文化。寬敞無比嘅 bar 頭，所有工具和砧板乾乾淨淨的排列眼前，氣氛有一點嚴謹，同香港日本料理不同嘅地方，係佢哋bar 頭無雪櫃，師傅唔會將啲切好嘅生魚片放喺雪櫃，呈現眼前。今日七點入座時，已經有兩三台日本客人，靜待師傅上場。連帶我哋都冇平時咁掛住大聲傾計，靜待下一分鐘，會有咩程序出現。店員先遞上熱茶，跟住就係上靚到唔捨得食嘅前菜八點 $130。除左我哋平時會食到嘅螢光魷魚，味噌青瓜外，佢哋仲加左啲日式地道嘅煮魚，味道有點偏鹹，但由於外相滿分，我哋都斯文地細細啖食晒呢八點前菜。幫我地睇住Menu，考慮緊要唔要叫 Omakase, 日本師傅用英文同我地介紹左今日有咩特別嘅菜式，朋友仔話今次既然係日本師傅主理，佢又可以用英文同我地溝通，不如試吓同佢傾下有咩廚師推介，散叫仲好。於是我地就
今次就係第一次坐係Bar 頭，對住個日藉師傅食晚飯。
由於係本人老闆，成間餐廳嘅裝修，洋溢著一股簡約的日式文化。寬敞無比嘅 bar 頭，所有工具和砧板乾乾淨淨的排列眼前，氣氛有一點嚴謹，同香港日本料理不同嘅地方，係佢哋bar 頭無雪櫃，師傅唔會將啲切好嘅生魚片放喺雪櫃，呈現眼前。
今日七點入座時，已經有兩三台日本客人，靜待師傅上場。連帶我哋都冇平時咁掛住大聲傾計，靜待下一分鐘，會有咩程序出現。店員先遞上熱茶，跟住就係上靚到唔捨得食嘅前菜八點 $130。
除左我哋平時會食到嘅螢光魷魚，味噌青瓜外，佢哋仲加左啲日式地道嘅煮魚，味道有點偏鹹，但由於外相滿分，我哋都斯文地細細啖食晒呢八點前菜。幫我地睇住Menu，考慮緊要唔要叫 Omakase, 日本師傅用英文同我地介紹左今日有咩特別嘅菜式，朋友仔話今次既然係日本師傅主理，佢又可以用英文同我地溝通，不如試吓同佢傾下有咩廚師推介，散叫仲好。
於是我地就一路同佢傾計，一路叫咗以下今晚嘅菜式。刺魚四貫$120
即係今日新鮮嘅刺身四款。每日都會唔同。今日師傅就安排以下呢四樣。
鱆紅魚粉紅色魚身帶紅邊，係壽司店常客。
新鮮程度既分別，係感受其口感是否彈口，魚肉是否鮮而不腥。當然， 是晚的鱆紅魚鮮度和口感滿分。
深海池魚
深海魚嘅肉質有佢一份獨特嘅風味。由於水壓同池魚勤於游泳，肉質都係偏彈牙和有咬勁。
左口魚
左口魚的魚油比較豐富，所以肉身較柔軟。食起上來滿足感堪大。
金目鯛季節性鯛魚的一種，經過冬天嘅沉澱，魚油豐富、肉質軟滑。好好味。師傅既精選果然零舍不同。
明太子番薯沙律 $60
之後我地點左沙律，師傅介紹咗呢個日式好多家庭都會整既明太子番薯沙律。
呢個價錢，食到大大碗既沙律，好抵食！師傅將番薯蒸後磨成蓉，裏面有切細左嘅甜洋蔥，食上嚟有脆脆既甜味。明太子已經溶係薯蓉中，味道唔係太突出。
之後考慮緊食咩嘅時候，我哋對剛食完既魚生念念不忘，為左飽肚又可以食到美味既魚片，我叫左壽司三點$120。
鍾意食魚嘅我，特別同師傅申請想食用魚做材料嘅壽司。好客嘅師傅笑笑口，用廣東話話冇問題，引到我地爆發一串笑聲！
師傅推薦既壽司包括伊佐木 、針魚、鯖魚。
伊佐木
針魚鯖魚好多時候都係用醋浸左先。新鮮嘅鯖魚，好味在于佢似有還無嘅魚腥味。屬於比較濃味既魚肉，所以好多時候都會有夾住姜蓉食。
螢魷魚飯(4-6人) HK 720螢光魷魚飯唔係即場叫就一定有。今日師傅話有客人預訂左，師傅預多咗可以俾我哋order，佢首先打開俾我哋望望，一陣鮮甜無比嘅有魷魚香撲鼻，唔使講即刻叫咗兩碗。
師傅細心咁附上自家製味噌湯，一個非常傳統嘅日式配套，好想再encore. 可惜真係多人碗都冇， 建議大家一定要預訂！甜品$65
日本窩芙，那甜甜細膩的cream. 就是就地地道道的口感。
Post
