Video
Read full review
2016-01-22
1282 views
琴日喺廿四節氣中嘅「大寒」，好佩服古人智慧，上星期仲食緊雪糕，呢兩日出街已經無羽絨唔得。天寒地凍，唔知食咩好，但冥冥中有安排，上OPENRICE搵附近餐廳，見到炑八喺附近，之前一直比呢個「炑」字吸引，翻查過餐廳資料，於是今日決心一試。餐廳位於大厦二樓，喺樓下等電梯時，突然被十個八個學生妹包圍，言談間知佢哋哋都係去炑八，江湖智慧話比我知，學生時間成本平較低，對價錢敏感，願意消費前多格價，而今次能夠吸引咁大班學生妹幫襯，應該係抵食之選。 上到餐廳門口，直係唔敢相信自己對眼。午市套餐分AB兩類，由$38起，仲要免加一唔怪得啲吸引到咁大班人，我1330去到，餐廳都有八成滿😳地方寬敞，傳統韓式燒肉店格局，每枱獨立抽風，雖然枱面牆身略嫌油膩不過唔緊要，唔影響我食晏嘅興致。一坐低，侍應即刻奉上四碟前菜，韓式泡菜自然唔少得，另外有海帶、芽菜同蘿蔔片，味道一般但試過正餐先下定論，即刻快快手叫人落單先。 泡菜湯配白飯$38一上枱就知我無揀錯。湯上枱時近乎沸騰狀態，豆腐同豬腩肉，喺辣泡菜湯中浸溫泉，我再(級)埋個白飯上去，比米飯盡吸辣椒精華，每呷一口湯飯，借
琴日喺廿四節氣中嘅「大寒」，好佩服古人智慧，上星期仲食緊雪糕，呢兩日出街已經無羽絨唔得。天寒地凍，唔知食咩好，但冥冥中有安排，上OPENRICE搵附近餐廳，見到炑八喺附近，之前一直比呢個「炑」字吸引，翻查過餐廳資料，於是今日決心一試。
餐廳位於大厦二樓，喺樓下等電梯時，突然被十個八個學生妹包圍，言談間知佢哋哋都係去炑八，江湖智慧話比我知，學生時間成本平較低，對價錢敏感，願意消費前多格價，而今次能夠吸引咁大班學生妹幫襯，應該係抵食之選。
四式前菜
36 views
0 likes
0 comments
上到餐廳門口，直係唔敢相信自己對眼。午市套餐分AB兩類，由$38起，仲要免加一唔怪得啲吸引到咁大班人，我1330去到，餐廳都有八成滿😳地方寬敞，傳統韓式燒肉店格局，每枱獨立抽風，雖然枱面牆身略嫌油膩不過唔緊要，唔影響我食晏嘅興致。一坐低，侍應即刻奉上四碟前菜，韓式泡菜自然唔少得，另外有海帶、芽菜同蘿蔔片，味道一般但試過正餐先下定論，即刻快快手叫人落單先。
泡菜湯配白飯
$38
39 views
0 likes
0 comments
泡菜湯配白飯
$38
32 views
0 likes
0 comments
泡菜湯配白飯$38
一上枱就知我無揀錯。湯上枱時近乎沸騰狀態，豆腐同豬腩肉，喺辣泡菜湯中浸溫泉，我再(級)埋個白飯上去，比米飯盡吸辣椒精華，每呷一口湯飯，借一句周慧敏歌詞「問暖意遍體怎掩蓋」，而且份量十足，飽晒
鐵板泡菜豬肉跟飯
$38
17 views
0 likes
0 comments
鐵板泡菜豬肉跟粉絲
$38
43 views
1 likes
0 comments
鐵板泡菜豬肉$38
其實同我個湯一樣，都係同樣嘅材料，用鐵板上會香口啲，而且可以揀食飯或粉絲，套餐仲會另上一碗海帶湯𠻹。
漢堡扒蛋包飯
$38
38 views
0 likes
0 comments
漢堡扒蛋包飯$38
呢個又係另一個要LIKE嘅ITEM。蛋炒得非常嫩滑，仲有少少流心，跟飯食好充實啊。漢堡扒都係大路貨色，但配芝麻醬沙律菜，極有和食感覺，淨係睇賣相都流晒口水。
無諗過可以唔使排隊，用平過茶記價錢食到咁有質素嘅韓國餐，心中諗起肥媽個節目「暖DD,食平D」感恩呢份小幸福，人生的確每日有驚喜。
Post
