Video
Read full review
2021-07-01
1842 views
📍 永樂園餐廳中環昭隆街19 號地下.🤓早餐E 三文治：咸牛肉、炒蛋（烘底+$2）💰$40 (w/ hot drinks).🤓熱奶茶💰+$0.正所謂一日之計在於晨自從食咗第一餐早餐之後 就決定每個禮拜都搵一日早起身去食早餐呢排落雨 就揀咗近公司嘅茶記 費時長途跋涉濕撚晒覺得公司嘅location真係算係咁 中環黎講 呢頭真係好多平嘅選擇.餐廳喺地底 係收唔到數據嘅所以佢都貼心地有提供wifi實測完 收訊良好.menu無寫烘底要加錢 望到張單先心算出黎out of 3間 永樂園嘅烘底係烘得最好呢間係咸牛炒蛋炒埋一齊 餡料份量多 都夠味 但唔係好食到咸牛肉味 無深究佢有冇搽牛油 我淨係知我食唔出.奶茶茶底算唔錯 下次可以飲茶走了懶健康無落糖 飲到少少茶嘅澀味 姐係茶味夠 但唔算特別滑.呢間都係舊式茶記 而唔係特登去懷舊吸客唔算殘舊 只係明顯會感覺到時間嘅痕跡仲要喺地底 要落樓梯先去到隔住一層樓一道門 就另一個世界咁.店員們態度好好 我係長戴住有noice cancelation嘅earphone成日都聽唔到人講嘢 佢地都好有耐心重複多次埋單我問有冇得信用卡/八達通 是沒有的 淨係收cash
中環昭隆街19 號地下
.
🤓早餐E 三文治：咸牛肉、炒蛋（烘底+$2）
💰$40 (w/ hot drinks)
.
🤓熱奶茶
💰+$0
.
正所謂一日之計在於晨
自從食咗第一餐早餐之後 就決定每個禮拜都搵一日早起身去食早餐
呢排落雨 就揀咗近公司嘅茶記 費時長途跋涉濕撚晒
覺得公司嘅location真係算係咁 中環黎講 呢頭真係好多平嘅選擇
.
餐廳喺地底 係收唔到數據嘅
所以佢都貼心地有提供wifi
實測完 收訊良好
.
menu無寫烘底要加錢 望到張單先心算出黎
out of 3間 永樂園嘅烘底係烘得最好
呢間係咸牛炒蛋炒埋一齊
餡料份量多 都夠味 但唔係好食到咸牛肉味
無深究佢有冇搽牛油 我淨係知我食唔出
.
奶茶茶底算唔錯 下次可以飲茶走了
懶健康無落糖 飲到少少茶嘅澀味 姐係茶味夠
但唔算特別滑
.
呢間都係舊式茶記 而唔係特登去懷舊吸客
唔算殘舊 只係明顯會感覺到時間嘅痕跡
仲要喺地底 要落樓梯先去到
隔住一層樓一道門 就另一個世界咁
.
店員們態度好好
我係長戴住有noice cancelation嘅earphone
成日都聽唔到人講嘢 佢地都好有耐心重複多次
埋單我問有冇得信用卡/八達通 是沒有的 淨係收cash
收銀姐姐好nice咁話唔好意思 仲講笑話佢地呢到好傳統
.
呢間其實係出名賣熱狗 我第一日返工 腦細就介紹佢
下次會再黎try佢嘅名物
蛋牛治烘底
$40
81 views
1 likes
0 comments
Post
