Crust Sorrento (Closed)

澳南海岸咁多餐廳選擇，今次就選擇做呢一間Crust Sorrento藍白色設計裝修，好適合打卡嘢食方面一嚟到就叫個炸海鮮拼盤先有蝦有魷魚同啲魚仔，配埋個醬食一流黑松露pizza呢個真係推介！餅底整得外脆內軟 好好食 必定要嗌Carbonara個蛋黃醬就好濃，食得多都會有啲膩食飽之後個職員叫我哋出去睇吓有冇咩甜品想食，我哋就嗌左呢個檸檬雪葩，食落好fresh唔會好甜，份量好大兩個人share食就啱啦最尾食完之後職員俾咗杯檸檬酒我哋飲，係呢間意大利餐廳嘅特色 等你食完飯之後refresh下。雖然個base係啲烈酒，但因為加咗檸檬令到好易入口，我哋好奇問個職員隻酒叫咩名好好飲，佢直程拎咗半支俾我哋任飲😂😂睇返原來係佢哋自家出品Overall真係好推介，另外都特別想讚吓啲職員，其中有位意大利人唔知係老細定係職員，好玩得好鍾意同啲客傾偈😂😂鍾意飲酒同人傾下偈嘅真係好啱黎呢間