Arcadia

Open Now

Now Closed

之前係開飯見到好多人介紹呢間夢幻打卡食店，一於約埋姊妹嚟朝聖下啦。餐廳位於銅鑼灣，地點方便易搵。因為限時2小時，所以準時抵達。餐廳有分室內，室外，係訂枱時就要講清楚啦。 一出𨋢見到裝潢的確幾夢幻㗎，室內地方唔算大，如果唔係坐卡位，咁就會有點逼。我地今晚叫左栗米沙律，幾清新配栗米片係底，生牛肉他他，呢個真係唔好食，所以我地食淨左一大半。 鵝肝不過不失， 因為冇配多士 所以有少少膩。龍蝦蟶子會飯反而個飯有驚喜，唔錯，龍蝦併澳洲M5牛，龍蝦肉質幾好，至於澳牛，咁啱我地個件中間有舊肥糕, 我地叫median rare，肉質都算嫩口啦。 不過呢個龍蝦併澳牛combo大約360$, 價錢都算ok.唔知係咪bar既關係，反而我見其他枱叫既飲品都幾等特別，不過係餐牌我地又搵唔到，所以一早隨便點左幾款飲品，就冇再問個幾款特飲係咩啦。有機會再返嚟試啦。