極品靚鍋 (Closed)

今日去荃灣探朋友，晚餐去左「極品 jackpop」，樓底極高，地方好寬敞，店內使用手機自助落單非常方便，價錢算優惠，幾抵食。湯底揀左海底椰雪耳竹絲雞，清清地唔錯，另外點咗個B餐PRIME 封門柳套餐，任飲任食。套餐除咗封門柳，另外包括生蠔、海蝦、蜆、脆鯇骨腩，帆立貝、手打墨魚滑、牛柏葉，蜂巢豆腐，海鮮豆腐，枝竹，花膠，黑毛豬肉片，肥牛等， 多款食物，好夠食。特別推介：封門柳，有牛味，入囗好滑；蝦、蜆及蠔， 都算新鮮，夠鮮味；手打墨魚滑，算夠爽口彈牙；黑毛豬肉片，肉質夠淋滑；花膠， 都算彈牙爽滑。飲品都算多選擇， 我哋叫咗玫瑰茶烏龍冷泡茶及竹蔗水等，雪糕五六款，包括綠茶及豆腐味，味道正常。值得一提，店內抽風極好，平時最怕食完火鍋成身油煙味，好彩今次完全無陣味。