Bondi (Closed)

以前係荔枝角返工既時候，lunch時間亦會去依到食晏。由於今日過開黎依邊做野，所以做完野之後，就再返黎依間西餐廳食晚餐。入面環境依然同之前一樣咁寬敞，起碼無咁大壓迫感。最後叫左一人套餐。頭盤係紅酒漬蕃茄沙津，蕃茄用左紅酒黎浸，蕃茄有好濃既紅酒味，依種食法都係第一次試，都幾特別。另沙律就用左沙律醋淋面，酸微微幾開胃。再黎係法式龍蝦湯，依個湯龍蝦味好香濃，好味。主菜：手撕雞肉羅勒蒜辣扁意粉意粉上面除左手撕雞之外，仲有海淅同芝麻。手撕雞好滑，海淅爽口，扁意粉有好香既蒜蓉同辣椒味，意粉軟硬度剛剛好，依種中式同西式既crossover煮法，出奇地有驚喜，Yummy是日甜品：荔枝奶凍奶凍荔枝味同奶味好香同滑，甜度剛好。餐飲：有機濃井茶飲完消濟，茶味唔會太苦。總結：食物質素keep到以前水準。下次過開黎會再食過架。