Video
Read full review
2015-11-30
5881 views
話說收工想同班老友記吹吹水，聚聚舊，其實打邊爐真係一個非常好既選擇，因為可以邊食邊講，唔使好似西餐咁咁正正經經食，或者傾到凍晒唔知食乜落肚。十下十下，講下傾下又滾下，咪話唔過引。朋友介紹話嚟一鍋堂，其實我無乜所謂，因為我覺得而家好多都差唔多。不過一入到一鍋堂，感覺好唔同，唔同在於無其他火鍋店咁迫同有一陣火鍋味。一鍋堂座位好闊落，通道好寬敞，非常好，裝潢用色好簡潔，但KEEP得好乾淨,完全無鮮肉味或者血腥感，入到去好舒服。醬油係自助式去醬油吧自己拎，好處係我經常食到一半，兜醬汁會變淡，呢度可以自己再拎碗新既。先講湯底，有十六款咁多，有潮汕大地魚，木瓜雪耳等創新湯底，真係好想續款試晒佢！我地揀咗杏汁豬肺湯底，呢款其實出面都少見架！好有杏味，豬肺亦唔少，讚！更讚既係，佢每檯每爐都有支韓燒式抽風煙囪，抽晒陣打邊爐味！！勁開心囉！飲品任飲，有道地烏龍茶，薑母茶，冬瓜茶等特式罐裝飲品，薑母茶同冬瓜茶少少偏甜；最正既係有洛神花茶，酸酸地，好消滯開胃！講下食物，唔算特別，唔多貴價野，有Ｄ要加錢，但我地無加，不過佢既牛肩肉真係好好食，夠牛味，新鮮，林身，雖然未至於入口即溶，但一Ｄ都唔靱，雪花分佈平均。仲
十下十下，講下傾下又滾下，咪話唔過引。
朋友介紹話嚟一鍋堂，其實我無乜所謂，因為我覺得而家好多都差唔多。
不過一入到一鍋堂，感覺好唔同，唔同在於無其他火鍋店咁迫同有一陣火鍋味。
一鍋堂座位好闊落，通道好寬敞，非常好，裝潢用色好簡潔，但KEEP得好乾淨,完全無鮮肉味或者血腥感，入到去好舒服。
醬油係自助式去醬油吧自己拎，好處係我經常食到一半，兜醬汁會變淡，呢度可以自己再拎碗新既。
先講湯底，有十六款咁多，有潮汕大地魚，木瓜雪耳等創新湯底，真係好想續款試晒佢！
我地揀咗杏汁豬肺湯底，呢款其實出面都少見架！
好有杏味，豬肺亦唔少，讚！
更讚既係，佢每檯每爐都有支韓燒式抽風煙囪，抽晒陣打邊爐味！！勁開心囉！
飲品任飲，有道地烏龍茶，薑母茶，冬瓜茶等特式罐裝飲品，薑母茶同冬瓜茶少少偏甜；
最正既係有洛神花茶，酸酸地，好消滯開胃！
講下食物，唔算特別，唔多貴價野，有Ｄ要加錢，但我地無加，不過佢既牛肩肉真係好好食，夠牛味，新鮮，林身，雖然未至於入口即溶，但一Ｄ都唔靱，雪花分佈平均。
仲有墨魚滑都好新鮮，值得推介；
仲有個是日海鮮，當日係蜆，可以話係花甲仔，算大隻，無沙，讚！
其他食物雖則不算特別，但都十分新鮮企理，絕不馬虎！
而且，不是一般用膠兜，而係用竹盤，睇得出好有心經營，又可以疊起，很好！
服務亦十分周到，伙記大叔問左幾次Ｄ野食點，又有推介，仲不停叫我地要嗌多Ｄ！
任食火鍋咁既服務真係第一次見，所有員工都好好禮貌。
另外，值得一提，呢度仲有軟雪糕同乳酪雪糕自助吧，任斟任食，味道絕對不亞於專門店；
更難得係咁繁忙既自助吧，一樣可以KEEP得好乾淨，抵食抵讚！
Post