一鍋堂 (大鴻輝(荃灣)中心) (Moved) New Location

來到荃灣行街，我一定會去大鴻輝中心搵食，大鴻輝中心有多間餐廳選擇，今次我地去左「一鍋堂」打邊爐。套餐有3款選擇，我地選了C餐高級日本和牛&澳洲和牛套餐19:00前離座$268加一，120分鐘晚市火鍋放題，食物超過120款，B/C餐亦會送上帶子及鮑魚。（另外夜遊人時間10:30pm $168起, 宵夜時間9pm $188起，快閃90分鐘, 有9折）湯底有16款選擇，其中麻辣鴨血豆腐湯、一鍋潮汕湯、酸菜白肉湯都係人氣之選，款款都好吸引，最後我們都係鐘情沙嗲鍋，沙嗲鍋湯底好濃郁，微微辣，岩晒我唔太食得辣既人，而且不用點其他醬汁都好夠味。湯底入面有好多豆卜，吸盡湯的精華。牛魔王當然主打食和牛，日本黑毛和牛和澳洲和牛，兩款油花都好平均，和牛味濃郁，好軟腍，另外手切牛脊肉，牛肉真心腍滑，牛肉相當高質。除了用QR落單，自助吧亦有多款火鍋配料選擇、小食、熟食、甜品、飲品可以選擇。飲品除了有罐裝紙品飲品之外，亦有自家茶，最特別有薄荷烏龍茶, 玫瑰花黑枸杞茶。以到最特別有楊枝甘露雪糕，味道超級濃郁，超級好食，另外杯裝雪糕都係任食。❤️以家做一鍋堂會員,消費滿$300,減免$5,滿$600,減免$10, 如此

最近天氣轉冷，最適合打邊爐，星期六去了朋友推薦的一鍋堂。一鍋堂有幾間分店，荃灣分店地點方便，離地鐵站很近，預早訂了枱，去到立即有位。進入店內，好有驚喜，因為個view超正！ 想不到可以居高臨下打邊爐，好有五星級酒店感覺。店內地方寬敞，枱與枱之間寬闊，不過卡位座位不算寬，女士剛好，男仕就有少許逼。午餐有ABC餐可選擇，分別在於牛肉種類，由於價錢相差不多，我們選擇了高級澳洲和牛，包幾款牛肉，最啱我這個牛魔王！ 湯底：我們點了杏汁豬肺湯底滋潤一下，湯有淡淡杏汁味，還有幾件豬肺，感覺幾重料。和牛：主角出場！牛和油脂平均，牛味濃，一啖又一啖，大滿足。墨魚滑及蝦滑：另一推介，好多蟹虸，十分彈牙，應該係手打的，我們encore了幾round。牛柏葉：爽口，味道鮮甜。蔬菜：蔬菜用碗整齊的放在雪櫃裡，衛生又方便。亦有沙律提供。飲品：任拎任飲，自家涼茶不太甜味道剛好，任飲好抵。醬料：有辣椒、蒜蓉、芫茜等，我最鐘意！午餐還有很多其他食物，但太飽沒一一嘗試，留下次。整體：餐廳服務不錯，收拾餐具速度挺快，餐桌面乾淨，吃得舒服。

最近天氣涼涼的去吃火鍋最適合不過，一行二人到了位於荃灣大鴻輝中心的一鍋堂，電梯門外經已人山人海，擠得水洩不通，店舖面積很大，圓圓的吊燈光猛十足。我們選了Ｃ餐，難得出來吃飯，就不差那幾十塊了，可以吃多幾款不同的牛肉尤其是Ｍ５和牛，湯底方面我們選了健康好味又有益的藥膳湯（素），濃濃藥材香氣，熱呼呼的暖心得很，湯底雖然沒有加肉，但依然色香味俱全。除了可以自行掃碼下單之外，外面自助區更有很多不同的前菜丸類：如圖～飲品：大約四至五款以還原水自家製茶飲，不同的紙包和罐裝飲品菜類：羽衣甘藍、西洋菜、紹菜、油麥菜、生菜熱盆：例如老乾媽餐肉粒炒飯、東北牛腩、水煮牛肉等等減肥不一定不能吃火鍋，多菜少肉一樣可以，我和朋友都多菜少肉，自我感覺非常良好，哈哈，好味道又健康～Ｍ５和牛與３００天安格斯同樣油花均勻肉味濃郁，竹笙吸滿湯汁分外美味～西班牙豚肉片３肥７瘦，肉質細嫩，用來火鍋一流！—————————神仙豆腐吃下與平常的豆腐不一樣，有點爽彈的口感烏魚片—爽滑厚實，鮮魚味濃郁而不腥，怕吃鯇魚的朋友都很喜歡白鱔片非叫不可，低卡有營，味道鮮美，薄切易熟，較易控制時間八爪魚ＢＢ—鮮味十足，灼幾分鐘亦不會韌 南瓜淋甜，

首先，張凳上面全部都係上一手食完既油跡，想叫個人換位都冇。搞到要我自己又噴酒精又擺紙巾去抹翻乾淨張凳。之後，比個q cord你，都scars五到，想叫人落單姐，完全冇人應你，行過你身邊都冇人應你，連翻黎都冇翻過黎，仲收服務費，最後，自己整左成十分鐘，先scars到入去。呢下真心好無言。然後，個座位細到爆，放左二碟肉，我連食野都要縮起食。完全係人就啲食物最後，性價比和食物質素不符，個社交平台講得幾好就有幾失望。五會再去第二次，實在。。。。。。真係五計食物質素，頭三個已經令我印象深刻，。。。。。。。。。。。。。。。。。。。。。。 。。。。。。。。。。。。。。。。

難得一家4口去打邊爐，諗起以前拍拖2人都成日去，啲嘢新鮮好味，所以就決定去荃灣呢間一鍋堂。。。上到去，好快有位，無乜人等，都覺得有啲古怪，因為以前日日好多人排哂隊，塞住哂lift 口。好坐低叫嘢食，用佢嗰2維碼，2公婆部手機都上唔到佢地嗰網。。。好耐無食，老婆選擇左A餐198加一，原來發覺只可叫牛，加出面啲丸。。ok，咁轉B餐238加一。。。講到呢到有啲想講粗口，係多番啲嘢食選擇，但好多樣都唔新鮮。。。豬粉腸裏面啲粉係苦，冬菇蝦滑啲蝦滑係叔。。。仲有嗰蕃茄咩安格斯牛粒湯中啲牛係叔。。。喂，雖然唔係貴，但可唔可以唔好咁。。。總之10樣有一半係一食就知瀨嘢過哂氣（都明白任食新鮮會爭啲，但唔係咁過火呀？？）成家人無哂食欲。。。叫左啲嘢已唔想食。。。早早埋單總共1004元。。。3大一小，我真係想小。。。P. S 佢地啲自家飲品，得洛神花茶放得入口，其他都。。。算啦，講到呢到由於任食食唔飽，要去煮嗰面。。。下次去海底撈或相馬任食好過，呢間已black list.....

上次食一鍋堂已經係幾年前的晚上，上次經驗都唔錯，服務、食物水準都唔錯，呢幾年間中都會去唔同嘅火鍋放題去舒緩我鍾意食火鍋的思念。平時中午食火鍋放題其本諗住用食個午餐價錢可以食多幾款嘢，又可以開心「滾」吓。今日中午就諗住再去一鍋堂簡單食個定食放題，就好似一般日式火鍋放題一樣，已預期食品種類唔會太多，午餐只諗住食碗有肉嘅麵，有幾款丸，可以有幾款菜揀吓食，期望就係咁簡單，所以只要咗60分鐘定食的一種。入到去一睇，丸類唔多，重要全部都有餡，多數有芝士，唔係就有沙律、肉，仲要最基本嘅魚旦、牛丸、腸仔、豆卜都無，菜得二、三款，熟食得幾款並唔多，最慘係豬耳、超麻辣味嘅鴨血熟食我自己又唔啱食！最離譜係有人會不斷提個客剩餘時間，食咗30分鐘就要我埋單，隔一陣就會提你係時間食雪糕，基本上夠鐘前10分鐘我已關火（因為都無興趣再食），只係食餘下少量食物，到最後幾分鐘都執嘢準備走；最頂癮嘅時刻係到我都準備起身走，比夠鐘時間剛剛過咗一分鐘，我望一下錶真係剛咗「一分鐘」，居然會有人過嚟「趕」話時間已過必須離坐。難道我要求太高？唔怪得搭𨋢幾間爆晒人佢呢間都靜英英啦，咁多位唔駛等真係有佢嘅道理。Sorry, 最後一次幫襯

葵芳店一早已預約1800, 在reception時已詢問如果想加鐘,點收費? $70/人頭 1hr. 我再問, 咁係需要依家講埋,定可以一陣先講? 你們員工話食120分鐘, 到90分鐘時會自動截單, 你可以到時埋單嘅時候再同佢講都得.1801, 順利出單入坐。1915, (未到90分鐘的時候) 告知你地一位女員工需要加鐘1小時。1925, 有位男員工過黎俾單我地, 我再次告知, 我地加左鐘。1930, 同一位男員工, 拎一張已經加鐘後既單過黎要我地埋單($713), 當時已經覺得奇怪點解要埋咗單先, 不過都唔緊要。1931, 已經完成付款2000-2005, 有位女員工行過黎, 話夠鐘, 要交檯, 我第3次再話俾你地聽, *我加左鐘*2025, 有一位好似比較高級, 名牌上掛著*收銀 盈* 的女員工行過黎, 用不禮貌加上*唔細聲*既語氣同得地講 *已經再多坐成半個鐘架啦, 要交檯*, 我同佢講, 我講第4次, 我地加左鐘。同時間有另一位女員工係收銀盈後面講佢加左鐘加左鐘, 然後就走了。全程冇講過一句唔好意思/打搞晒, 我唔知道你地內部點溝通, 基本上由1930-2030期間一直都俾你地

星期六嚟到荃灣大鴻輝中心11/F(一鍋堂)食佢嘅火鍋放題，因為之前都聽好多住荃灣嘅朋友推介過呢間，所以今次就嚟試真下，最後就揀咗A餐158蚊再加一(1位)，湯底入座前就會落好單，但好可惜鴛鴦鍋要加50蚊所以冇加到，海鮮種類都幾多選擇，有蝦有元貝仲有大蜆，最好食係白鱔片，脆肉鯇同樣ok，牛肉同豬肉就不過不失，出面吧台仲有前菜小食同丸類攞，調味醬油同飲品都多選擇，我同朋友食完之後都覺得呢間一鍋堂既食物質素不錯，對得住個價錢，性價比亦幾高，係可以返轉頭之選。

好耐以前黎過幾次都覺得正正常常 d 野算齊但今次返返黎食，大不如前野食，服務，咩都差好多就算有d 新既自家製飲品除左碟豆花之外其他都試曬，隻隻個味都係好奇怪飲左一啖。就放低服務勁差😡😡😡😡😡😡問個問題又扮聽唔到唔憂做咁樣樣要菜無菜，係雪櫃俾人拎但係咁多人食，放幾盤就當放左剩低果d 菜又老又爛自己點餐個app d 野食咩都無咩都話售罄其實開間火鍋乜都無 得返d 腸仔 丸都唔知點解咁多好評個app 又成日hang up

今日雖然天陰陰但有點微風 感覺好清涼 所以約左個朋友去荃灣城門水塘郊遊 吸收一下天地靈氣 減下壓😏親親大自然 超舒服😁郊遊完 出左一身汗 係時候要去補充體力💪聽朋友講荃灣一鍋堂打邊爐好正😅食物款式選擇多 單是湯底都已經有16款 另外仲有1款是鴛鴦鍋 價錢公道合理 以120分鐘放題為賣點 3款不同級數嘅追加牛去收費 今次我選擇了中價位的『特選安格斯牛』🐃湯底方面揀左沙參肉竹鯊魚骨湯🦈超足料 我忍唔住飲左一大啖 完全吾覺得味精 飲完一D都吾會口喝✌️湯底一到 我就捉緊時間 同朋友分頭行事 我朋友負責用電子QR code 下單😎一次過點左一大堆火鍋食物 分別有:封門柳 、牛脷心托、羊肉、而美國安格斯牛喺我極力推介之一 超香濃牛味🤤仲有多款海鮮選擇😬另外仲有我最欣賞嘅花膠🤭真係手掌咁好大塊 勁滿足👍而我就出去自助吧逛下😏發現醬汁配料區 放置一個個大碗裝滿了芫茜 蔥 蒜 辣椒.... 任你自取😍至於飲料區係我最欣賞 除左有多款汽水及紙包飲品外 仲有幾款自家製特色飲品 店家仲非常細心 印有飲品功效和禁忌😉除左可以用手機點餐外同時可以在餐廳的食物區自取 種類繁多 而且放得整齊衛生 👍整體而言 一鍋堂

早幾日同朋友去荃灣大鴻輝呢間一鍋堂打邊爐，諗住佢湯底多款式多啲選擇啦，點知中左好大既伏！！佢啲肉差唔多最後先黎，我吾知系趕住收工收檔定系乜野，羊肉當牛肉甘都好意思送黎？個牌仔寫住美國安格斯牛肉，圖片只供參考都吾得拉，何況你送羊肉過黎俾我？我無為意淥左一舊黎食，陣味又騷又成陣奶味，個下差啲嘔左出黎，因為我對羊肉過敏，反到屋企又屙又嘔足足兩日，好心你地拉，冇牛肉咪出聲囉，羊肉扮牛肉真系好過份！之後個收銀行過黎我問佢系咪羊肉黎，佢話羊肉系圓形甘既款，仲問我系咪吾食羊？跟住就無左回事走左去，系咪應該要交代反解釋反呢？你地甘樣系欺負消費者，我可以去告你地，同埋吾會再幫襯！

今次是我和先生一起中午去食飯的 我訂了12：00 而我們11：45己到可能我們早到 只有一人在門口等了一陣 量體溫 寫紙仔之後員工才說要選餐我們選擇了B sets 任食100分鐘一入座就開始計時的第一次去這間店才知道要透過手機點餐我但一直都load 唔到選擇的icon （即有相片）我最初以為是我手機問題那只好走出去問那個，唯一一個的員工她說等一等就得直到等了20分鐘之後才開始順暢但因為計時起 60分鐘前一定要在手機最後點單所以根本唔夠時間點單又要食而且麻辣一點都不麻不辣那只好去取紅椒粒 但在紅椒粒中有一條紅色塑膠帶本想投訴的，但時間己經不夠食所以快快點 快快食這個經驗真係差 我不會再去

超鍾意打邊爐嘅我哋就梗係揀任食架啦～不過我哋對食物質素都有要求嘅，所以就揀咗呢間有海鮮同 美國安格斯牛🐮食嘅💯分鐘放題😍因為我哋一個係主攻牛，而另一個就主攻海鮮🤩唔單止呀～仲有封門柳、牛脷心托同美國安格斯牛板腱，全部都係靚部位呀～全部都肉味十足😋 封門柳肉味香濃；牛板腱肉質鬆軟；美國安格斯牛 脂肪比例平均；牛脷心托爽脆唔韌👍🏼 海鮮我哋點咗蝦🦐蜆🐚鱔片、花膠，花膠勁大條同厚肉，仲有好特別營養價值高嘅紫淮山🟣女仔一定勁開心😍😍😍勁鍾意食手打丸嘅我就梗係點曬咁多款手打滑試吓啦。手打嘅真係唔同啲，全部都好足料又彈牙🤤除咗食材，湯底同飲品都好出色。一共有1⃣️6⃣️款湯底🉑️以選擇，我哋點左養生藥膳湯，一上枱已經聞到好香嘅藥材味，而且湯底又唔會過咸👍🏼 自家製飲品，包裝精美，味道又好，店家真係好用心。我哋牆裂推薦👉洛神花茶，酸酸甜甜好好味，亦都可以解到打邊爐嘅膩😌

太耐冇食過火鍋放題啦😌今日就食一鍋堂過吓癮 我好鍾意呢間火鍋店 因為佢每樣嘢食都係細細份咁上👍🏻 可以一次過試唔同野食 我哋嗌左喇沙湯底 有豆卜完全吸晒香濃湯汁 最特別嘅地方係呢個湯越食越濃！！呢度係肉系列 個人好鍾意呢個牛脷心托❤️非常爽脆 又有牛嘅香味 亦都好推薦豬肉！完全唔會老 豬肉側邊嘅脂肪好爽好香😌 不知不覺又食咗好多碟 佢仲有海鮮 啲蝦好大隻好甜🤩 仲要有花膠添 全部啲嘢食都好新鮮 樣樣都好好味 仲有好多款菜俾大家自己攞 冰菜真係好特別大家要試吓 又係好靚好新鮮👍🏻👍🏻👍🏻冇得彈仲有好多其他唔同嘅嘢食 樣樣都係細細份 令人胃口大開 食咗好多嘢🤣咁嘅價錢咁嘅質素抵過自己買

🌕Hello我係Moon🌕相信喺荃灣行街都知道想食放題去邊度㗎啦，😍今次同荃灣嘅朋友喺荃灣搵放題食，我哋事前係冇book枱，😳諗住行到樓下睇啱邊間就食邊間，😛好彩唔係繁忙時段想食嘅依一間一間一鍋堂仲有位！🤩估唔到現場環境係咁大，🥰除咗可以自己拎嘢食之外仲有可以電子落單，😤除咗一啲丸菜類飲品類依度仲有雪糕機，😏電子落單嘅選擇都有好多有牛肉豬肉羊肉雞肉海鮮等等，😋依度係限時100分鐘任食，😌完全滿足晒我同朋友想食放題嘅慾望，😏因為我哋實在太耐冇食過啦，😋我哋揀咗依度嘅一鍋潮汕鍋，😌好快就已經有個鍋！😳係依個時候我同朋友就分頭行事😎一個負責電子落單另一個就負責出去拎嘢食，😚電子落單真係好正，😛我就每樣有興趣嘅都嗌少少，😌有手打系列，🥳聽個名都知吸引啦，🤩仲有素系列！😋呢個湯底唔會太鹹味道啱啱好而且睇得出好足料，😆我哋首先放咗肉類，😇依個嘅安格斯牛肉真係好新鮮，😝所有嘅牛肉都好高質素，😛依個價錢食絕對回本！每一片嘅牛肉肥瘦比例都好完美，食落口唔會肥肉亦都唔會每一舊都係筋！🤓好香嘅牛肉味！😚我見到有素羊腩所以就試吓啦，😛味道真係好特別，😗而且口感真係好似肉！😎依度嘅蟹柳真係好長好長，😏如果鍾意食