意粉狂熱 (雅蘭中心)

Open Now

Now Closed

約左朋友到旺角GATHERING，經朋友介紹，黎到旺角雅蘭中心既意粉狂熱，可能我地入座時間比較早，不用等位，直接入內，我地坐下不久，已經見陸續有客人，好快就坐滿。我地３人，先點了個２人套餐，再後加幾個單點。個意粉飾披薩狂熱套餐都好豐富，有２個湯，我地選了法式芝士洋蔥湯同香濃南瓜忌廉湯，洋蔥湯幾特別，用洋蔥打碎黎熬，食到洋蔥蓉。南瓜湯好CREAMY，好滑。小食選香華雞肉凱撒沙津同蒜味芝士雞亦，食沙津最緊要材料新鮮，呢度做到了，汁都調得好好味，我就略嫌少了點。雞亦肉質好嫩滑，滿滿肉汁，表皮微燶，好香口。主食選了軟殼蟹配海膽忌廉汁鮮製意粉同明太子忌廉芝士海老披薩，個意粉一放上檯，個賣相非常好，意粉軟硬適中，個汁好好味，掛在每條意粉上，不多不少，軟殼蟹個炸粉不厚，不會一啖咬落去全是粉漿。披薩個餅底好軟熟，配搭雖然簡單，但切開每件啖啖都食到蝦同芝士。個餐仲有甜品加２杯飲品，我覺得夠我地３個女人仔食，最後再加１個主食及飲品，飽到仲剩半個意粉。