Video
Read full review
2019-02-18
175 views
星期五晚上， LCX入面所有餐廳全部人頭湧湧，門口企滿等位食客，唯獨呢一間唔駛等，已經覺得好奇怪！由於一早已book咗枱，唔理三七廿一就照入去喇，入到去就知到中伏，搵人睬你落單已難，更難係同侍應溝通，好聲好氣唔該前唔該後點餐，點知阿侍應哥哥一路好似係聽緊，但一路又好似元神出竅咁完全無反應零表情、X口X面，唔知佢聽唔到定點喇(因為真係無辦法知)，唯有當佢聽到喇，最後我地加咗句: 「飲品轉頭先落」，然後阿幽靈侍應就擰轉身飄走咗！之後再搵呢位幽靈侍應落單(因為近我地張枱得佢一個)，叫咗兩杯西柚汁，佢今次終於開金口覆我西柚汁(好滾動)，好喇！嚟咗既竟然係兩汁橙汁，咁我地同另一位黑面既女侍應話落咗單喇，佢個反應竟然係: 「吓，張單係寫橙汁喎！」然後轉身走開，完全無同我地改單既意思，咁我地唯有再遞手搵另一個侍應，終於嚟咗一個似正常人既四眼哥哥侍應，幫我地換番，之不過嚟既時候都係得一杯，我地又要再追先可以攞埋另一杯！擁有地獄級服務，你以為食物一定超高水準，咁你錯喇，食物真係好一般，份量偏少，同埋好油膩，總之就係韓國food court都好過佢既水準喇！全場唯一最好既，就係佢地last order問你
由於一早已book咗枱，唔理三七廿一就照入去喇，入到去就知到中伏，搵人睬你落單已難，更難係同侍應溝通，好聲好氣唔該前唔該後點餐，點知阿侍應哥哥一路好似係聽緊，但一路又好似元神出竅咁完全無反應零表情、X口X面，唔知佢聽唔到定點喇(因為真係無辦法知)，唯有當佢聽到喇，最後我地加咗句: 「飲品轉頭先落」，然後阿幽靈侍應就擰轉身飄走咗！
之後再搵呢位幽靈侍應落單(因為近我地張枱得佢一個)，叫咗兩杯西柚汁，佢今次終於開金口覆我西柚汁(好滾動)，好喇！嚟咗既竟然係兩汁橙汁，咁我地同另一位黑面既女侍應話落咗單喇，佢個反應竟然係: 「吓，張單係寫橙汁喎！」然後轉身走開，完全無同我地改單既意思，咁我地唯有再遞手搵另一個侍應，終於嚟咗一個似正常人既四眼哥哥侍應，幫我地換番，之不過嚟既時候都係得一杯，我地又要再追先可以攞埋另一杯！
擁有地獄級服務，你以為食物一定超高水準，咁你錯喇，食物真係好一般，份量偏少，同埋好油膩，總之就係韓國food court都好過佢既水準喇！
全場唯一最好既，就係佢地last order問你有無嘢落，同埋埋單時候阿黑面女侍應收到信心卡既時候，竟然細細聲講「多謝」，真係好滾動吖，係愛吖！
總結係，如果你鐘意貼錢買難受既話，The Joomak應該係繼澳牛後另一選擇！
Post