Video
Read full review
2010-11-12
259 views
若然唔係要幫朋友買嘢我真的沒諗過順路至此回顧九龍區童年時的街景….hahaha當日沒早餐沒午餐，這已係我視為下午茶。豬頸肉米線$20—米線當然與我平日茶餐廳一樣質感，比我食開新界區的米線稔d，我新界區大多好韌。-_-湯底冇特色，都係茶餐廳咁味精即食麵feel。最戲肉反而個豬頸肉真係肉質至味道做得好好，醃味醃得好之餘，平日記得同"向榮"落九龍城食的豬頸肉惹味都係在於燒燒燒令脂肪皮層脆口，唔係噃！放落個湯浸住個質感雖然唔係脆，但一咬落去個肉的彈性質感很爽很好味，已聯想至估佢d串燒也不賴吧！湯底還有很多香茅很好味。炸蝦餅$30—這味一開始叫但都等了廿至半個鐘，當時仲四點幾得我一台客，不過店方又很均真新鮮滾熱辣炸出嚟！一咬落個感覺就諗起sars嗰年同過"向榮"去過九龍城金寶食過個炸蝦丸就係咁樣咁彈牙，個醬與蝦餅很匹配。食後感：我係就係人在上水心在大埔，不過新界區要搵間就腳的泰式食肆都係依賴商場嗰d多，商場固然舖租佔了收費一截但又不代表好味，不然要很隔涉捐窿捐罅去搵都可能有平價泰國菜食嘅。這間小菜如串燒、炒蟹、冬蔭功都係幾十蚊不算貴，多人食都唔錯。吓吓去九龍城得閒有這些小食店解渴也不錯。有機會都
當日沒早餐沒午餐，這已係我視為下午茶。
豬頸肉米線$20—米線當然與我平日茶餐廳一樣質感，比我食開新界區的米線稔d，我新界區大多好韌。-_-
湯底冇特色，都係茶餐廳咁味精即食麵feel。
最戲肉反而個豬頸肉真係肉質至味道做得好好，醃味醃得好之餘，平日記得同"向榮"落九龍城食的豬頸肉惹味都係在於燒燒燒令脂肪皮層脆口，唔係噃！放落個湯浸住個質感雖然唔係脆，但一咬落去個肉的彈性質感很爽很好味，已聯想至估佢d串燒也不賴吧！
湯底還有很多香茅很好味。
炸蝦餅$30—這味一開始叫但都等了廿至半個鐘，當時仲四點幾得我一台客，不過店方又很均真新鮮滾熱辣炸出嚟！
一咬落個感覺就諗起sars嗰年同過"向榮"去過九龍城金寶食過個炸蝦丸就係咁樣咁彈牙，個醬與蝦餅很匹配。
食後感：
我係就係人在上水心在大埔，不過新界區要搵間就腳的泰式食肆都係依賴商場嗰d多，商場固然舖租佔了收費一截但又不代表好味，不然要很隔涉捐窿捐罅去搵都可能有平價泰國菜食嘅。
這間小菜如串燒、炒蟹、冬蔭功都係幾十蚊不算貴，多人食都唔錯。
吓吓去九龍城得閒有這些小食店解渴也不錯。
有機會都會想再試它其他菜式。
Post
