Video
Read full review
2020-03-22
410 views
*留喺屋企無嘢做摷返啲相機食先相出嚟寫吓食評先*-去食四季煲仔飯嗰晚係最凍嗰幾日市區得10度仲要落好大雨又濕又凍超攞命於是就同老公行去廟街食煲仔飯天寒地凍第一時間諗起煲仔飯應該都算係香港人嘅集體回憶吧人流少咗無咗自由行之餘都少咗人出街食坐得好鬆動我哋兩個人打算食完煲仔飯會再食糖水所以就叫咗一個飯share食(不同嘅侍應姐姐都喺唔同時間行過嚟問我哋洗唔洗叫多個蠔餅同汽水......)我哋叫咗個臘腸滑雞煲仔飯叫完過咗10分鐘左右就上菜成煲飯未開蓋都聞到超香🤤記得打開蓋落咗豉油再焗多5至8分鐘咁先會有脆脆飯焦！即刻開始分飯！每人分到兩個半小飯碗算係咁啦！個飯都做到粒粒分明幾乾身食到底刮到晒飯焦證明師傅煮米落水功夫到家👍🏾雞呢就有少少雪味不過佢都唔係主角😂所以可接受但條臘腸個腸衣就真係煙韌過頭😂好難先齒得開佢但煲仔飯又一定要配”臘類”先好食下次食臘鴨睇吓會唔會好啲先-總括來說食得過食煲仔飯都係要去廟街食先最有風味😋-P.S.我哋兩個一食完就即刻起身走😂廢時兩個人叫得嗰一樣嘢仲要磨爛蓆會被姐姐老歧多兩錢🙉
摷返啲相機食先相出嚟寫吓食評先*
-
去食四季煲仔飯嗰晚係最凍嗰幾日
市區得10度
仲要落好大雨
又濕又凍超攞命
於是就同老公行去廟街食煲仔飯
天寒地凍第一時間諗起煲仔飯應該都算係香港人嘅集體回憶吧
人流少咗
無咗自由行之餘都少咗人出街食
坐得好鬆動
我哋兩個人打算食完煲仔飯會再食糖水
所以就叫咗一個飯share食
(不同嘅侍應姐姐都喺唔同時間行過嚟問我哋洗唔洗叫多個蠔餅同汽水......)
我哋叫咗個臘腸滑雞煲仔飯
叫完過咗10分鐘左右就上菜
成煲飯未開蓋都聞到超香🤤
記得打開蓋落咗豉油再焗多5至8分鐘
咁先會有脆脆飯焦！
即刻開始分飯！每人分到兩個半小飯碗
算係咁啦！
個飯都做到粒粒分明
幾乾身
食到底刮到晒飯焦
證明師傅煮米落水功夫到家👍🏾
雞呢就有少少雪味
不過佢都唔係主角😂
所以可接受
但條臘腸個腸衣就真係煙韌過頭😂
好難先齒得開佢
但煲仔飯又一定要配”臘類”先好食
下次食臘鴨睇吓會唔會好啲先
-
總括來說食得過
食煲仔飯都係要去廟街食先最有風味😋
-
P.S.我哋兩個一食完就即刻起身走😂
廢時兩個人叫得嗰一樣嘢仲要磨爛蓆
會被姐姐老歧多兩錢🙉
Post
