太郎居酒屋

Open Now

Now Closed

今日黎左呢間居酒屋食返個early dinner，唔好睇佢喺度鋪仔細細，座位唔算多，裝修都幾有特色，充滿日本居酒屋風格，天花板既紅白錦鯉燈尤其吸睛。食物方面都幾多樣化，生同熟既，燒同窩物一應俱全，我叫左個海膽甜蝦蓉卷，蜜糖雞翼2件，蜜糖芝士油揚，日本直送雞心同埋蒜蓉牛油焗金菇。全部即叫即整，雖然等左一陣，不過拎到枱上係熱辣辣。海膽甜蝦蓉卷-飯已經調好味，可以唔需要再點豉油，壽司飯包住紫菜再包住甜蝦蓉都幾新穎。蜜糖雞翼-一共有兩隻雞翼，燒得夠乾身，但仍然keep到有肉汁。蜜糖芝士油揚-呢個喺其他地方未見過，都幾驚喜，估唔到又幾好味，食一件唔係好夠喉。日本直送雞心-雞心夠爽滑，質感唔錯，調味剛剛好。蒜蓉牛油焗金菇-最緊要上枱熱辣辣，蒜蓉牛油夠晒香。