冒喜 (杜智臺)

Open Now

Now Closed

呢間川菜冒粉其實已經食過幾次，熱辣辣無胃口又想食啲刺激嘢咁就過咗嚟灣仔呢間分店再食，今次嚟仲出咗啲新嘅餸、湯底同麵生椰蕃茄湯吉祥套餐，個湯底幾濃郁同creamy，蕃茄味比較出但都有淡淡嘅椰子香，呢個配搭都唔錯，配料方面就試啲特色野，有丁家脆哨同黃喉，兩隻都好爽脆，而且黃喉本身應該打邊爐嘅地方先有，依家食麵都可以加，太正了再加埋彈牙蒜香墨魚丸，仲有魚腐，可以朔下啲湯底黃金酸菜湯吉祥套餐，嚟到依度點可以唔食辣，之前試過佢嘅麻辣湯底都好惹味，呢個酸菜湯底食落唔算好重味，但佢嗰種麻係慢慢滲出嚟，手錘牛肉丸夠彈牙，豬大腸都肥美，仲有啲餸都可以點下佢個冒喜秘製醬汁，食落有啲似辣辣地炸醬嘅感覺泡椒麻辣魚皮，魚皮咬落爽口，都算幾泡椒，岩鍾意食辣嘅朋友當然唔少得仲有甜品冰粉同埋飲品，飲品就揀咗酸梅青檸烏龍茶同洛神花山楂蘋果，佢都算足料，個人比較喜歡洛神花山楂蘋果，比較清甜，酸梅烏龍茶有啲似咳藥水，至於冰粉配上酸梅湯，消暑解渴，上面仲有啲山楂QQ果凍，口感都唔錯。