東方宮蘭州牛肉拉麵 (Closed)

東方宮蘭州拉麵食到地道北方風味。鋪位雖小，五臟俱全，門口可以睇到師父手拉麵。蘭州牛肉拉麵($58)一場來到，叫左款經典款式。麵條size有A到I款選擇，我選左C-三細麵，因為手拉麵，口感特別彈口。湯底非常清，配有芫茜添香氣。牛肉係牛展部位，好味！炸醬麵($68)有別於市面炸醬麵，肉醬係親自製成，不含味精。因為麵滾熟，碗底仲有少少湯底，將所有配料混合一齊，加上少少湯底，更易入口。蒜片青瓜($18)青瓜自家醃製，酸甜味分外突出，青瓜間夾有蒜片，香口又開胃的小菜，值得一試！羊肉串($18/串）滿滿孜然粉在面，香口又唔會太辣口，有種食完再成食的感覺。