讚好台灣

Open Now

Now Closed

好掛住台灣嘅牛肉麵、地道小食同埋珍珠奶茶😌朋友話我知黃埔呢間讚好台灣，好友台灣感覺，咁就去試吓啦！去到見到餐牌琳琅滿目，淨係牛肉麵都有好多款，好多味！我點左豐盛牛肉湯麵，裏面有牛鍵、牛腩、牛筋、花枝丸，真係多到食唔晒，湯底夠純正！另外點咗蕃茄味三寶面，頁丸、花枝丸同小香腸，仲有新鮮番茄，都係我好掛住嘅台式小食！重點當然係唔同款嘅小食啦，叫咗炸花枝丸同埋木魚炸豆腐，兩個都勁香口，份量食完剛剛好！野飲當然唔少得珍珠奶茶，同埋新口味阿華田胚芽波波，食到勁飽埋單都係$200，性價比真係好高！