巷仔內

Open Now

Now Closed

身為觀塘人，梗係間中要响觀塘搵下啲窿窿罅罅，睇下有乜好食啦！！🥰🥰👌🏻就响地鐵站D出口～觀塘工業中心～其實大把隱藏小舖，今日發現有一間台灣小店（應該易咗手，因為店名都改埋：「巷仔內」）即管去試下！一行入舖頭，感覺裝修雅緻，木系佈置開揚清新。埋嚟招待嘅服務員滿口台式國語，原來頂手嘅店長係地道台灣，連店員都有一半係台灣妹，咁肯定地道都得啦！！叫咗半筋半肉牛肉麵同埋滷味五選麵，老細揀咗個波波厚奶（即係波霸奶茶），我就要個黑糖薑奶配珍珠～佢嘅湯底都幾濃郁，牛肉麵帶一點點酸菜嘅酸味，同埋辣椒粉嘅辣味，幾香口惹味～鹵水五選麵我揀咗：豬腸、鹵水雞翼、百葉豆腐、金菇同埋溏心蛋～滿滿一碗，份量充足，鷄中翼滷得好入味，豬腸非常淋，簡直係大滿足！！台式飲品可揀甜度同冰度，自助落單，任君選擇，悉隨專便～相信平日觀塘區返工嘅人又多一個好選擇！！