Video
Read full review
2020-07-04
299 views
襯住公眾假期同朋友去商場行街食飯shopping下，行到七點幾攰攰地就諗住搵間餐廳食飯，突然好掛住台灣嘅牛肉麵，好多其他餐廳又食過想有啲新意，決定試一試呢間三星台菜食堂，解一解呢個去台灣旅行嘅癮。我地大約七點三去到，唔使等位就可以直接入去。坐低之後見到餐牌上面都有好多唔同款嘅牛肉麵，仲有唔少台式小食同飲品嘅選擇。我地唔算太肚餓，所以只係嗌咗兩個牛肉麵同兩杯飲品。- 紅燒三星麵 $82餐牌太多選擇琳瑯滿目，我決定回歸基本步叫翻傳統嘅紅燒牛肉麵紅燒三星麵入面有牛腩、牛肚同埋牛筋，每樣餸有兩至三舊，分量都好合理碗麵黎到第一時間梗係飲啖湯先得啦，一入口就食到豆瓣醬嘅味，之後就有少少嘅辣味走出黎個湯底濃味得黎都好順口，唔食得辣嘅都應該接受到，唔係太刺激嘅辣度黎。湯底好味嘅關係，食到最尾幾乎飲哂啲湯，差啲冇哂湯黎配麵！！麵質方面都算有咬口，煮嘅時間唔會過長煮到爛哂咁，不過個人就偏好再硬少少嘅麵。（順帶一提，落單嘅時候店員冇問到我地要咩麵，我諗default應該係粗麵，下次會想試下刀削麵）之後就到餸喇，牛腩入味又淋身，絕對唔會咬到牙骹軟先呑到；牛肚就非常之彈牙，同樣係好重滷水味；最鍾意嘅就係牛筋，入
- 紅燒三星麵 $82
餐牌太多選擇琳瑯滿目，我決定回歸基本步叫翻傳統嘅紅燒牛肉麵
紅燒三星麵入面有牛腩、牛肚同埋牛筋，每樣餸有兩至三舊，分量都好合理
碗麵黎到第一時間梗係飲啖湯先得啦，一入口就食到豆瓣醬嘅味，之後就有少少嘅辣味走出黎
個湯底濃味得黎都好順口，唔食得辣嘅都應該接受到，唔係太刺激嘅辣度黎。
湯底好味嘅關係，食到最尾幾乎飲哂啲湯，差啲冇哂湯黎配麵！！
麵質方面都算有咬口，煮嘅時間唔會過長煮到爛哂咁，不過個人就偏好再硬少少嘅麵。
（順帶一提，落單嘅時候店員冇問到我地要咩麵，我諗default應該係粗麵，下次會想試下刀削麵）
之後就到餸喇，牛腩入味又淋身，絕對唔會咬到牙骹軟先呑到；牛肚就非常之彈牙，同樣係好重滷水味；
最鍾意嘅就係牛筋，入味淋身之餘仲有少少漿口，係滿滿嘅骨膠原
三樣餸都食得出係花咗唔少時間去烹調，唔係馬虎嘅作品。
紅燒三星麵
$82
23 views
0 likes
0 comments
- 埔里花雕三星麵 $88
同紅燒三星麵非常相似，湯底應該係一樣，只係加咗花雕酒落去，多咗一股酒嘅香味，比普通嘅湯底更有層次，十分有驚喜。
餸方面同上面碗麵亦都係一樣，唔重覆再介紹喇。
埔里花雕三星麵
$88
12 views
0 likes
0 comments
- 黑糖奶茶（加珍珠） $26+5
奇怪地呢到冇提供普通嘅珍珠奶茶，唯有試下呢個黑糖珍珠鮮奶
雖然已經嗌咗少甜，但杯野都係甜到有啲難入口，而且有大半杯都係冰黎，連就咁飲都有啲困難。
敗筆係喺珍珠到，大部都係未煮透咁，中間個芯好硬。
呢杯飲品有啲失望，下次會寧願揀其他。
黑糖奶茶（加珍珠）
$31
104 views
0 likes
0 comments
另外仲嗌咗一杯芝士金宣烏龍$32，奶蓋同茶味都正常，係唔錯嘅選擇黎。
原本冇對呢間餐廳抱有好大期望，始終只係為止癮，亦都知香港嘅牛肉麵質素非常之參差，勢估唔到今次會有驚喜，質素不俗之餘亦到有好多選擇，一定會再黎食，下次會試埋佢地嘅台式小食同埋刨冰！
Post
